Аҧсны Аҳәынҭқарра Ахада

 

Урыстәыла Афедерациа Ахеилак аҧылара

14.09.2015

Аҟәа, 12.00

Ахада Рауль Ҳаџьымба идикылеит Урыстәылатәи Афедерациа Афедералтә Еизара Афедерациа Ахеилаки Жәлар Реизареи русеицуразы Акомиссиа аилатәара аҽалархәразы иааз Афедерациа Ахеилак аилак ахантәаҩы Виктор Озеров напхгара ззиуаз Урыстәылатәи Афедерациа Афедералтә Еизара Афедерациа Ахеилак аделегациа.

Аделегациа аилазаараҟны иҟан: атәылахьчареи ашәарҭадареи рзы Аилак ахантәаҩы актәи ихаҭыҧуаҩцәа Евгени Серебренникови Алеқсандр Чекалини; атәылахьчареи ашәарҭадареи рзы Аилак аппарат анапхгаҩы Валери Помогаибин, атәылахьчареи ашәарҭадареи рзы Афедерациа Ахеилак Аилак абжьагаҩ Константин Копаев.

Аиҧылара иалахәын Аҧсны иҟоу Аҷыдалкаатәи Амчнаӡа змоуи Ацҳаражәҳәаҩ Семион Григориев.

Иалацәажәан Урыстәылатәи Афедерациеи Аҧсни аидгылареи астратегиатә усеицуреи рзы ирыбжьоу Аиқәшаҳаҭра асоциалтә ҟәшеи, атәылахьчареи, ашәарҭадареи рызҵаарақәа ирыдҳәалаз аҧҟарақәа рынагӡара амҩаҧысшьа.

Виктор Озеров Урыстәылатәи Афедерациа Афедералтә Еизара Афедерациа Ахеилак аделегациа аҭаара ахықәкы хадақәаны иаликааит аидгылареи астратегиатә усеицуреи рзы ирыбжьоу Аиқәшаҳаҭра аҧҟарақәа рынагӡара инамаданы Аҧсны аус ацура арҿиара, лымкаала, асоциалтә ҟәшеи, атәылахьчареи ашәарҭадареи рганахьала.

Рауль Ҳаџьымба иазгәеиҭеит Аҧсуа ган азы акры шаҵанакуа лҵшәа бзиала, ианаамҭоу Аиқәшаҳаҭра ахәҭаҷқәа рынагӡара хықәкыс иҟаҵаны аизыразрақәа рыдкыларазы урҭ разырхиара. Иаҭахны иҟоуп ҭыҧқәак рыҟны иацҵаны аус рыдулара, убри аан атәылахьчареи аҩныҵҟатәи аусқәа русбарҭақәа аус рыцуразы аизыразрақәа рпроектқәа аминистрцәа реилазаараҟны адгылара рыҭоуп.

Ахада иҳәеит, аидгылареи астратегиатә усеицуреи рзы Аиқәшаҳаҭраҟны иарбоу аусеицура ахырхарҭақәа зегьы рынагӡаразы Урыстәылатәи Аган аринахыстәи лҵшәа бзиала аус ацура дшақәгәыҕуа


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org