Аҧсны Аҳәынҭқарра Ахада

 

Рауль Ҳаџьымба дидикылеит аполковник Сергеи Тихонов.

27.08.2015

Аҟәа, 11.00

Рауль Ҳаџьымба дидикылеит Аҧсны змаҵура хзыркәшаз Аҧсны иҟоу Урыстәыла АШӘМ Аҳәаахьчаратә усбарҭа Галтәи аҟәша Аиҳабы Сергеи Тихонов.

Ахада иҭабуп ҳәа иеиҳәеит аполковник Сергеи Тихонов имаҵзуразы, иагьазгәеиҭеит урыстәылатәи аҳәаахьчаҩцәа ҳтәыла аҭынч ҧсҭазаареи ашәарҭадареи ралыршараҟны инарыгӡо ароль аҵакы ду шаиҭо. «Ҳара атәыла излазеиҕьу ала зхаҭабзиара ҳараку ҳусеицура алзыршо аизыҟазаашьақәа ҳабжьаҳҵалароуп. Шәара шәыруаӡәкуп зыҩаӡара ҳаракыз амаҵзура мҩаҧыгоз», - иҳәеит аҳәынҭқарра Ахада.

Сергеи Тихонов Ахада иҭабуп ҳәа иеиҳәеит имаҵзура ахәшьара иаиҭаз азы.

Рауль Ҳаџьымба Сергеи Тихонов аџьшьартә шәҟәы ииҭеит, агәалашәаратә ҳамҭақәа иаҭәеишьеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org