Аҧсны Аҳәынҭқарра Ахада

 

Урыстәылатәи аҵарауаҩ - аконституциаҭҵааҩы Сурен Авакиан иҧылара

20.08.2015
Урыстәылатәи аҵарауаҩ - аконституциаҭҵааҩы Сурен Авакиан иҧылара

Аҟәа, 12.00

Рауль Ҳаџьымба дидикылеит иеицырдыруа урыстәылатәи аҵарауаҩ-аконституциаҭҵааҩы, азиндырратә ҭҵаарадыррақәа рдоктор, М.В. Ломоносов ихьӡ зху Москватәи аҳәынҭқарратә университет аконституциатәи амуниципалтәи зин акафедра апрофессор Сурен Авакиан.

Ахада иазгәеиҭеит, Сурен Авакиани аҧсуа коллегацәеи акыршықәса раахыс ирыбжьоу аиҩызареи апрофессионалтә еимадарақәеи ртәы. 2013 шықәсазы Аҧсны аҭҵаарадырратә кадрқәеи аҭҵаарадырра аҿиареи рыҟны иҟаиҵа ацхырааразы Аҧсны Жәлар Реизара аҳаҭыртә бҕьыц ианашьан.

Аиҧылараан ирылацәажәан аҵараиурҭабжьаратә усеицура, астудентцәа реиҭныҧсахлара, Урыстәыла иреиҳау аҵараиурҭақәа рыҟны Аҧснынтәи аспециалистцәа рыквалификациа ашьҭыхра азҵаарақәа.

Иазааҭгылан Аҧсны аконституциатә еиҭакрақәа атема. " Аконституциатә еиҭакрақәа рызҵаара ҳара ҳзы акыр рыҵаркуеит, уажәы аусура иаҿуп аконституциатә еиҭакрақәа рзы ҷыдала иаҧҵоу Акомиссиа. Ари апроцесс ахацыркра ҳара ҳзы иаанаго рацәоуп. Аӡбаратә системаҟны аиҭакрақәа ирылагахьеит", - иҳәеит Ахада.

Аиҧылараҟны дыҟан Аҧснытәи аҳәынҭқарратә факультет азиндырратә факультет адекан Сергеи Смыр.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org