Аҧсны Аҳәынҭқарра Ахада

 

РАУЛЬ ҲАЏЬЫМБА ТҞӘАРЧАЛ АРАИОН АКТИВ РЕИЗАРА ДАЛАХӘЫН

19.08.2015

Тҟәарчал, 17.00

Ахада Рауль Ҳаџьымба 2015 шықәсазтәи ашықәсбжа аихшьалақәа рыҟаҵара иазкыз Тҟәарчал араион актив аизара далахәын.

Аизара иалахәын иара убас Жәлар Реизара Аиҳабы Актәи ихаҭыҧуаҩы Даур Аршба, Тҟәарчал араион аҟнытә Жәлар Реизара адепутатцәа Кан Кәарҷиа, Таифун Арӡынба.

Тҟәарчал араион аусбарҭа Ахада Аида Чачхалиаҧҳа лажәахә аҟны иазгәалҭеит Тҟәарчал ақалақь проблема хаданы ишыҟоу аусурҭа ҭыҧқәа рыҟамзаара. «Ашықәс аҧхьатәи афымз рзы абиуџьет ахашәалатә хәҭа ацифратә рбагақәа рыла иацҵаны ишынагӡоугьы, азҧхьагәаҭаратә цифрақәа рыҟнытә 124 % шартәогьы, ҳара арҭ арбагақәа рыла ҳгәы наӡоит ҳазҳәаӡом» - лҳәеит лара. Аида Чачхалиаҧҳа илҳәеит иара убас араиони атәыла анапхгареи Тҟәарчал арион аекономика арҿиаразы аинвесторцәа радҧхьалара ишашьҭоу.

Рауль Ҳаџьымба араион актив ашҟа иҟаиҵа ааҧхьараҟны иазгәеиҭеит атәылаҟны иҟоу имариам азеиҧш економикатә ҭагылазаашьа атәы. «Аамҭа кьаҿла атәылаҟны шьаҭанкыла аҭагылазаашьа аҧсахра даара иуадаҩуп», - иҳәеит Ахада.

Убас ишыҟоугьы, Аҧсны иаланагалаз урыстәылатәи афинанстә цхыраагӡақәа иааизакны рымҽхак сынтәа акырӡа ишеиҵоугьы, иҵоуроу аиҭакрақәагьы ыҟоуп. Аха уи иаанагаӡом аҧара зынӡагьы иааӡом ҳәа. «Иахьа, рыцҳарас иҟоу, шықәсқәак раҧхьа иҳаууаз еиҧш иҳауӡом. Иҟоуп уи зыхҟьо амзызқәагьы, урҭ уаанӡа иазгәасҭеит. Аха аурыс гангьы аҧсуа гангьы аҭагылазаашьа аҧсахразы аусура мҩаҧыргоит. Насгьы, аҧсуа ган Урыстәылаҟнытә ацхыраара зынӡа иаиуӡом зҳәо, ирҳәо иашаӡам, - иазгәеиҭеит Ахада. Ҳара уажәы афинанстә цхыраара ҳаууеит амчратә усбарҭақәа рзы, иаҳҳәап, Атәылахьчара аминистрра, Аҩныҵҟатәи аусқәа рминистрра, Аҳәынҭқарра ашәарҭадаратә маҵзура аусзуҩцәа руалафахәы афинанстә цхыраараҟнытә иаауеит. Урыстәыла афинанстә цхыраара ҳнаҭоит иара убас акультура, аҵараиура, агәабзиарахьчара аҟәшақәа рыҟны аџьаҧса ашәаразы. Урыстәылантәи иаауеит атәанчаҩцәа ироууа урыстәылатәи атәанчахәқәа».

Рауль Ҳаџьымба иқәгылараҟны аурыс-ауҧсуа еизыҟазаашьа далацәажәо, ари атема иалахәаахәҭуа ргәырҽаниҵеит. «Аурыс-аҧсуа еизыҟазаашьа иалахәаахәҭуа, аизыҟазаашьақәа бааҧсахзшәа иалацәажәо ажәлар рымҩахҟьара, ржьароуп изҿу. Ари азҵаара алахәаахәҭра аӡәгьы ихәҭаӡам. Урыстәыла иҟанаҵо рацәоуп Аҧсны ашьақәгыларазы», - иазгәеиҭеит Ахада.

Афинанстә хархәагақәа рагхара 2015-2017 шш. Аҧсны асоциал- економикатә ҿиара иазку Аинвестициатә программа анагӡаразы апроект-харџьынҵатә документқәа ҭырҳәыцааны аҭҵаара иадҳәалоуп. «Ҳара апроект-харџьынҵатә документқәа, уаанӡа ишыҟаз еиҧш, изызкымыз ала 1 млрдк инареиҳаны афинанстә хархәагақәа рхы ианадырхәаз еиҧш, аӡәгьы аҧарақәа ахьцаз азы азҵаара изцәырымҵырц азы. Ари аамҭа аҭахуп, аха адокументқәа реиҳарак аекспертиза иахысит аҟнытә, хара имгакәа, арҭ апроектқәа афинансқәа рзоужьра хацыркхоит. Уи агәра ганы сыҟоуп, сара иацы Москва сацәажәон», - инаҵшьны иҳәеит Рауль Ҳаџьымба.

Ахада ҷыдала дазааҭгыланы иҳәеит, ауадаҩрақәа шыҟоугьы, ҳтәыла ахатәы хашәалатә база арҿиара шалшо атәы шышьақәнарҕәҕәаз, аҧхьаҟагьы ахала ахныҟәгара алшартә еиҧш ианыҟало аҩаӡарахь ахалара шалшо. 2015 шықәсазтәи актәи азбжазы абиуџьеттә хәҭа иацҵаны ашьақәыргылара иабзоураны араионқәа реиҳарак рыҟны абиуџьет иаҵанакуа хазы игоу категориақәак руалафахәы иацҵаны рызшәара мҩаҧысуеит. «Ҳара раҧхьаӡакәны шықәсыбжак ала атәыла алшарақәа рыҽшыраҧсахыз ааҳарҧшит. Аиндикативтә зыҧхьагәаҭа арбагақәа ирыцҵаны рышьақәыргылара ҳалшеит. Абри иабзоураны араионқәа зегьы рыҟны ауалафахәқәа ршәара ҳаҿуп», - иазгәеиҭеит Ахада. .

«Цәыббрамзаы Урыстәыла Аҳәынҭдума атәанчахәқәа финансла реиқәыршәаразы аиқәшаҳаҭра шьақәнарҕәҕәараны иҟоуп. Ашәатәқәа зегьы шәахоит. Ауаа ироураны иҟоу мааҭк агмырхакәа ироууеит», - иҳәеит Рауль Ҳаџьымба.

Тҟәарчал аҭагылазаашьа дахцәажәо, Ахада дазааҭгыланы иҳәеит, хаҭала иара иқалақь шьаҭанкыла аҭагылазаашьа аиҕьтәра хықәкыс ишимоу. «Абарҭ амшқәа Аекономиа аминистр инапы ианысҵеит Тҟәарчал арҿиаразы ажәалагалақәа азирхиарц азы, ари азҵаара аӡбаразы хаҭала иара аҭакҧхықәрагьы идысҵеит», - иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org