Аҧсны Аҳәынҭқарра Ахада

 

Очамчыра араион Арасаӡыхь ақыҭауаа рҧылара

19.08.2015

Арасаӡыхь, 10.00

Рауль Ҳаџьымба усуратә визитла Очамчыра араион аҟны дыҟоуп.

Ахада дицуп Очамчыра араион аусбарҭа ахада Хьрыҧс Џьопуеи Очамчыра араион аусбарҭа ахада ихаҭыҧуаҩы Славик Қәычбериа.

Ахада Арасаӡыхь ақыҭауаа дырҧылеит. Имҩаҧысит ақыҭа апроблемақәа ирызкны иаартны аицәажәара. Ақыҭауаа зыргәамҵуа акәны иҟоуп аӡымҩангареи амҩақәеи рҭагылазаашьа бааҧсы. .

Ахада иазгәеиҭеит ақыҭақәа згьы рыҟны иҟоу апроблемақәа шеиҧшу – амҩақәа, афымцамҩангара, аӡымҩангара, аекономика аҧсыҽра. Иалкаау қыҭақәак рыпроблемақәа ӡбо, иаҭахуп аҧхьаҟа иеизаку ақыҭаҿиаразы Аҳәынҭқарратә программа ашьақәыргылара.

Хьрыҧс Џьопуа убри аан иҳәеит ақыҭақәа рыпроблемақәак араион аҟны рыӡбара шалшо.

Арасаӡыхьтәи абжьаратә школ аиҳабы Раиса Ҵулкьиаҧҳа аҳәынҭқарра Ахада иалҳәеит ашкол аҟны ирҧыло ауадаҩрақәа ртәы: «Ашкол 52 –ҩык аҵаҩцәа ҭоуп, ахыбра хәыҷцәоуп, ҩ-сменакны аус ааур ауп». Ахадеи араион анапхгаҩи ааигәа иҟоу ашкол ажәытә хыбра иахәаҧшын, уи аремонт аҟаҵаразы афинансқәа рзоужьра шалшо атәы иалацәажәеит.

Ахада ақыҭа школ ҳамҭас иеиҭеит амикроавтобус Mercedes Sprinter ашколхәыҷқәа автотранспортла реиқәыршәаразы.

Арасаӡыхь ақыҭа аусбарҭа ахада Рамин Қаџьаиа ақыҭауаа рыхьӡала Ахада иҭабуп ҳәа иеиҳәеит ақыҭа ҳамҭас иеиҭаз автомашьыназы. Уи иара убас иҳәеит, ауадаҩрақәа шыҟоугьы, атәыла анапхгара русура ахырхарҭа дшадгыло, ауаҧсыра маҷ-маҷ аиҭакрақәа шымаҧысуа рбо ишалагаз атәы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org