Аҧсны Аҳәынҭқарра Ахада

 

Аҩныҵҟатәи аусқәа рминистрраҟны аилацәажәара

18.08.2015

Рауль Ҳаџьымба Аҩныҵҟатәи аусқәа рминистрраҟны аилацәажәара мҩаҧигеит.

Аиҧылара иалахәын иара убас Иреиҳаӡоу Аӡбара Ахантәаҩы Зураб Агәмаа, Апрокурор Хада Алеқсеи Ломиа, Аҳәынҭқарратә ҳазалхратә еилакы Даур Кобахиа, Аҳәынҭқарратә шәарҭадаратә Маҵзура Зураб Марганиа.

Ахада ишьҭихит атәыла ақалақьқәеи араионқәеи уахынла рыҧшыхәра азҵаара, адҵа ҟаиҵеит мчыбжьык ахьтә знык изаамҭанытәым агәаҭаратә усмҩаҧгатәқәа.

Аҩныҵҟатәи аусқәа рминистр Беслан Ҳагба ахада иҟынӡа инеигеит аҩныҵҟатәи аусқәа рминистрра аусзуҩцәа рмаҵурақәа рынагӡараан изықәшәо ауадаҩрақәа. Уи аҳәынҭқарра ахада ииҭаз аинформациала амҩаҟны аҧҟареилагарақәа рзы ишьақәыргылоу аҧкаанҵақәа аҵыхәтәантәи аамҭазы 3,5-4 –нтә иеизҳаит.

Аҩныҵҟатәи аусқәа рминистр инапы ианҵан амҩаҟны изныкымкәа аҧҟара еилазго амашьынаныҟәцаҩцәа, еиҳаракгьы, арыжәтә ыжәны ма арҩышьыга зхы иазырхәо рганахьала аҭакҧхықәра адҵара арҕәҕәара. Рауль Ҳаџьымба иара убас адҵа ҟаиҵеит ҷыдала зҿлымҳара арҭарц азинхьчаратә усбарҭақәа русзуҩцәа рлеишәа. «Маҵурас иааникылозаалакгьы, азин еилазго неилымхрада зегьы рзы иҟазароуп амҩаҟны амашьынаныҟәцара аҧҟарақәа» - иҳәеит Ахада.

Аҳәынҭқарра Ахада ҷыдала хшыҩзышьҭра аҭаразы аминистр инапы ианиҵеит азинхьчаратә еилазаарақәа зегьы русура ахылаҧшра.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org