Аҧсны Аҳәынҭқарра Ахада

 

2016 шықәсазтәи абиуџьет ашьақәыргылара иазку аусуратә еилацәажәара

17.08.2015

Аҟәа, 15.00

Рауль Ҳаџьымба имҩаҧигеит 2016 шықәсазтәи абиуџьет ашьақәыргылара иадҳәалоу азҵаарақәа ирызку аусуратә еилацәажәара.

Аилацәажәара иалахәын аҧыза-министр Артур Амқәаб, аҧыза-министр ихаҭыҧуаҩы Дмитри Сериков, Ахада Иусбарҭа Анапхгаҩы ихаҭыҧуаҩы Асҭамыр Аппба, Афинансқәа рминистр Амра Қәаранӡиа, Аекономика аминистр Адгәыр Арӡынба, Ашәахтәқәеи аизгатәқәеи рзы аминистр Рауф Цымцба, Аҳәынҭқарратә ҳазалхратә Еилакы ахантәаҩы Даур Кобахиа, Ахада Иабжьагаҩы Амиран Лагәлаа.

Аилацәажәараҟны иазааҭгылан иааиуа ашықәсазтәи абиуџьет ашьақәыргылара апроцесс. Афинансқәа рминистр Амра Қәаранӡиа аилацәажәара иалахәыз ирыдылгалеит зырхиара мҩаҧысуа атәыла афинанстә документ хада иазку заатәи аинформациа. Аилацәажәара иалахәыз иазгәарҭеит абиуџьет ахашәалатә хәҭа ашьҭыхразы Апарламент иадгалахо аҧсахрақәа рпакет ашәахтә закәанҧҵара ианаҭо анырра атәы.

Аиҧылараан иара убас ишьҭыхын аҳәынҭқарратә мазара еффективла ахархәара азҵаара. Лымкаала, аҳәынҭқарра Ахада уснагӡатәны иқәиргылеит, аџьырмыкьа аҭагылазаашьа азгәаҭаны, аҳәынҭқарратә иахатәу амазара қьырала агара аҧҟарақәа реиҭарыхәаҧшра. Иалацәажәан иара убас аҧсуа-ақырҭуа ҳәаа атауар ахысра арежим азҵаареи арҭ атранзакциақәа аҳазатә шәатәқәа рықәҵареи азҵаара.

Ахада иргәалаиршәеит 2016 шықәсазтәи абиуџьет нанҳәа 30 рзы азырхиаразы ирзықәиргылаз ауснагӡатә атәы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org