Аҧсны Аҳәынҭқарра Ахада

 

Рауль Ҳаџьымба Зхатәгәаҧхарала иеибашьуаз Рымш иазку аусмҩаҧгатәқәа дрылахуп

15.08.2015

Ахада Рауль Ҳаџьымба Зхатәгәаҧхарала иеибашьуаз Рымш иазку аусмҩаҧгатәқәа дрылахуп.

Рауль Ҳаџьымба ашәҭқәа шьҭеиҵеит Зхатәгәаҧхарала иеибашьуаз рбаҟа аҿаҧхьа Гәдоуҭа ақалақь аҟны. Ашәҭқәа рышьҭаҵара ацеремониа анаҩс имҩаҧысит Муса Шанибов дызлахәыз Зхатәгәаҧхарала иеибашьуаз Рымш иазкыз амитинг. Муса Шанибов иқәгылараҟны иазгәеиҭеит Аҧсны 1992-1993 шш. Аџьынџьтәылатә еибашьраҟны аиашьаратә жәларқәа иҟарҵаз ацхыраара ахә ҳаракны ишыршьо. Уи арҵабыргуеит Зхатәгәаҧхарала иеибашьуаз Рымш есышықәса иахьазгәарҭо.

Аусмҩаҧгатәқәа иара убас ирылахәын Жәлар Реизара - ПарламентАиҳабы Валери Бганба, аҧыза-министр Артур Амқәаб, Ахада Иусбарҭа Анапхгаҩы Асҭамыр Ҭаниа, аиҳабыра, адепутатцәа, Гәдоуҭа араион анапхгара, Аҧсны жәлар Рџьынџьтәылатә еибашьра ааветеранцәа, атәыла ауаажәларра. Зхатәгәаҧхарала иеибашьуаз Рымш азгәаҭара аҳәаа иҭагӡаны Ахада даҭааит Аҧсны Аҳәынҭқарра Актәи Ахада Владислав Арӡынба имемориал, Аҟәа ақ. аҟны Ахьӡ-аҧша амемориал, Ахьӡ-аҧша амузеи.

Асааҭ 18.00 рзы имҩаҧысуеит Зхатәгәаҧхарала иеибашьуаз Рымш ахьӡала аконцерт.

Арҭ амшқәа рзы Аҧсныҟа иааит Аҩадатәи Кавказ ареспубликақәа рыҟнытә Зхатәгәаҧхарала иеибашьуаз реиҿкаарақәа рхаҭарнакцәа 80-ҩык инареиҳаны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org