Аҧсны Аҳәынҭқарра Ахада

 

Рауль Ҳаџьымба Апарламент ахь ашьақәырҕәҕәаразы инаишьҭит ҩ-еиқәшаҳаҭрак

07.08.2015

Ахада Рауль Ҳаџьымба Жәлар Реизарахь ашьақәырҕәҕәаразы идәықәиҵеит Аҧсны Аҳәынҭқарреи Урыстәылатәи Афедерациеи рыбжьара ашьауҕатә усқәа рзы аицхырааразы Аиқәшаҳаҭреи ахақәиҭра рымхра зықәҵоу ахаҿқәа рахьырхәра рхыргарц азы риагара иазку Аиқәшаҳаҭреи.

Иарбоу аҳәынҭқаррабжьаратә еиқәшаҳаҭрақәа ирыҵаҩын ҳазҭоу ашықәс лаҵарамза 28 Санкт-Петербург ахәбатәи Жәларбжьаратәи азиндырратә Форум аҳәаа иҭагӡаны. Ашьауҕатә усқәа рзы аицхырааразы Аиқәшаҳаҭра хықәкы хадас иамоуп аҩ-ҳәынҭқаррак рыбжьра ацәгьаура аҟәшаҟны еиҳа лҵшәа бзиала аусеицура.

Ахақәиҭра рымхра зықәҵоу ахаҿқәа рахьырхәра рхыргарц азы риагара иазку Аиқәшаҳаҭра иаҵаҩын ахақәиҭра рымхра зықәҵоу ахаҿқәа дара зтәылауаау аҳәынҭқарраҟны ахьырхәра рыхгарала рсоциалтә реабилитациа армариаразы.

Апарламент аҳәынҭқарра ахада Жәлар Реизарахь ашьақәырҕәҕәаразы идәықәиҵаз аиқәшаҳаҭрақәа ирыхәаҧшуеит цәыббрамзазы, апарламенттә ҧсшьарамшқәа рышьҭахь.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org