Аҧсны Аҳәынҭқарра Ахада

 

Алада Уаҧстәыла аганахьала Қырҭтәыла 2008 шықәса нанҳәа мзазы аибашьратә агрессиа алагамҭа ашықәсхыҵра инамаданы Леонид Тибилов ихьӡала Ацҳамҭа

08.08.2015

Рауль Ҳаџьымба Алада Уаҧстәыла Ареспублика Ахада Леонид Тибилов ихьӡала Алада Уаҧстәыла аганахьала Қырҭтәыла 2008 шықәса нанҳәа мзазы излагаз аибашьратә агрессиа быжьшықәса ахыҵра инамаданы Ацҳамҭа дәықәиҵеит.

Ацҳамҭаҟны иҳәоуп:

"Иахьа ҳара иаҳгәалаҳаршәоит быжьшықәса раҧхьа изҭадыргылаз ақырҭуа агрессиаан иҭахаз Алада Уаҧстәыла ауааҧсыра. Алада Уаҧстәыла ажәлар ргәымшәареи Урыстәыла анапхгара иаадырҧшыз агәаҕьреи ирыбзоураны Қырҭтәыла аиҳабыра ауаҧс жәлар рықәхра иазкыз ргыгшәыгратә гәҭакқәа рынагӡара рылымшеит. Арҭ ахҭысқәа ирылҵшәаны иҟалеит Урыстәыла аганахьала Алада Уаҧстәылеи Аҧсни разхаҵара.

Аҧсны жәлар ахааназы ргәалашәараҿы инхоит зыҧсадгьыл ахьчара зхы ақәызҵаз Алада Уаҧстәыла аиашьаратә жәлар ".

2008 шықәса нанҳәа мзазы излагаз аибашьратә агрессиа быжьшықәса ахыҵра инамаданы Леонид Тибилов ишҟа Ацҳамҭа

Л.Х.Тибилов,

Алада Уаҧстәыла Ареспублика Ахада ишҟа

Ҳаҭыр зқәу Леонид Харитон-иҧа,

Иахьа ҳара иаҳгәалаҳаршәоит быжьшықәса раҧхьа изҭадыргылаз ақырҭуа агрессиаан иҭахаз Алада Уаҧстәыла ауааҧсыра. Алада Уаҧстәыла ажәлар ргәымшәареи Урыстәыла анапхгара иаадырҧшыз агәаҕьреи ирыбзоураны Қырҭтәыла аиҳабыра ауаҧс жәлар рықәхра иазкыз ргыгшәыгратә гәҭакқәа рынагӡара рылымшеит. Арҭ ахҭысқәа ирылҵшәаны иҟалеит Урыстәыла аганахьала Алада Уаҧстәылеи Аҧсни разхаҵара.

Аҧсны жәлар ахааназы ргәалашәараҿы инхоит зыҧсадгьыл ахьчара зхы ақәызҵаз Алада Уаҧстәыла аиашьаратә жәлар.

Гәык-ҧсыкала Шәаргьы, Алада Уаҧстәыла ажәлар зегьы ишәзеиҕьасшьоит аҭынчра, аизҳазыҕьара.

Ҳаҭырла,

Рауль Ҳаџьымба


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org