Аҧсны Аҳәынҭқарра Ахада

 

Ҭаҭарсҭан Ареспублика ашҟа авизит аихшьалақәа рыла анапынҵақәа

29.07.2015

Ҭаҭарсҭан Ареспубликаҟны усуратә визитла иҟазаараҟнытә ихынҳәреи Ҭаҭарсҭан Ареспублика Ахада инапынҵақәа назыгӡо Рустам Минниханов иҧылареи рышьҭахь Рауль Ҳаџьымба анапынҵақәа ҟаиҵеит Ҭаҭарсҭан аус ацуразы ажәалагалақәа разырхиаразы. Лымкаала, Ахада Аминистрцәа реилазаара (Амқәаб А.А) анапы ианиҵеит Ҭаҭарсҭан аус ацуразы ажәалагалақәа разырхиаразы аусуратә гәыҧ аҧырҵарц абри аилазаараҟны:

Сериков Д.Н – Аҧсны аҧыза-министр ихаҭыҧуаҩы (анапхгаҩы);

Лагәлаа А.Н.– Ахада Иабжьгаҩы;

Ешба Т.В. – Аҧсны Ақыҭанхамҩа амиинстр;

Арӡынба А.А. – Аҧсны Аекономика аминистр;

Арсалиаҧҳа Е.А. – Аҧсны Акультура аминситр;

Гарцкиа А.З. – Аҧсны акурортқәеи атуризми рзы аминистр.

Аҧсны Аминистрцәа реилазаара аппарат рнапы ианҵоуп Ҭаҭарсҭан Ареспублика аус ацуразы Амеморандум апроект азырхианы Ахада иҟны ацәыргара.

Аҧсны Ахада Иусбарҭа иадҵоуп Ҭаҭарсҭан Ареспублика Ахада инапынҵақәа назыгӡо Рустам Минниханов напхгара зиҭо аделегациа Аҧсныҟа аара аиҿкаара.

Рауль Ҳаџьымба иара убас Гулрыҧшьтәи, Очамчыратәи, Тҟәарчалтәи, Галтәи араионқәа рхадацәа ирыдиҵеит Ҭаҭарсҭан Ареспублика ақыҭанхамҩатә, атуристтә, уҳәа егьырҭ аҟәшақәа рыҟны азеиҧш проектқәа рынагӡаразы ражәалагалақәа иара иҟны инаргарц.

Ахада инапынҵақәа рынагӡашьа агәаҭара идҵоуп аҧыза-министр ихаҭыҧуаҩы Дмитри Сериков.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org