Аҧсны Аҳәынҭқарра Ахада

 

Аинформациатә маҵзура “Интерфакс” азы иҟаҵаз ахҳәаақәа

31.07.2015

Аҧсны урыстәылатәи аилахәыра "Роснефть" аганахьала дареи ҳареи иҳабжьоу аиқәшаҳаҭрақәа ирықәныҟәоит, иҳәеит ахәашазы Аҧсны Ахада Рауль Ҳаџьымба.

"Аҧсуа уаажәларраҟны иҟоуп ашәарҭара анефт аҵхра алыршара инамаданы. Ари азҵаара Аҧсназы иҿыцӡоуп, избанзар ҳтәыла аекономика шьаҭас иазышьҭоу аекологиа аганахьала иуашәшәыроу атуризми асубтропикатә қыҭанхамҩеи роуп", - иҳәеит ахәашазы Аҧсны Ахада Рауль Ҳаџьымба аинформациатә маҵзура"Интерфакс" данаҿцәажәоз.

"Убри аҟнытә лассы-лассы иҳаҳауеит Аҧсны иаҵанакуа амшын шыцә аҟны арацәаӡри аҵхра мап ацәкразы иҟоу агәаанагара. Апарламент адепутатцәа џьоуки ауаажәларратә еиҿкаарақәаки ааигәа иқәгылеит ари ажәалагала закәанҧҵарала ашьақәырҕәҕәаразы", - иҳәеит Р. Ҳаџьымба.

"Аха ауаажәларраҟны иҟоу ашәарҭара аҧыхразы ари азҵаара нҭырҳәыцааны иҭҵаатәуп. Убри аҟнытә апарламент ахь аҳәара ҟасҵеит арацәаӡри аҵхра алҵшәақәа рыҭҵааразы акомиссиа аҧҵаразы, агеологҧшыхәреи анефт аҧшаареи мап рыцәкразы азакәан адкыларахь ҳхы ҳмырхарц азы", - иҳәеит аҳәынҭқарра ахада.

"Аҧсны урыстәылатәи аилахәыра "Роснефть" аганахьала дареи ҳареи иҳабжьоу аиқәшаҳаҭрақәа ирықәныҟәоит, убри аан иақәнагоу хылаҧшра раҳҭалоит аекологиатә ҧҟарақәеи аҳәынҭқарра егьырҭ аинтересқәеи. Агәра згарц сҭахуп апарламенттә комиссиа иҟанаҵо аихшьалақәа Аҧсны жәлари урыстәылатәи ҳпартниорцәеи ринтересқәа ирызку алкаақәа рыҟаҵараҟны иҳацхраап ҳәа", - азгәеиҭеит Ҳаџьымба.

Урыстәылатәи аилахәыра "Роснефть" аҳәамҭа ҟанаҵеит Аҧсны Жәлар Реизара апарламент анефт аҵхра аанкылара ахцәажәарақәа инарымаданы Аҧсны аус зуа апроектқәа зегьы раанкылара ишазхиоу.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org