Аҧсны Аҳәынҭқарра Ахада

 

Автотранспорттә наплакқәа рхаҭарнакцәа рҧылара

29.07.2015

Аҟәа, 16.00 

Рауль Ҳаџьымба Аенергетикеи авторанспорти рзы Аҳәынҭқарратә усбарҭа аусуразы агәынамӡара змоу араионтә автотранспорттә наплакқәа рхаҭаранакцәа, амаршруттә таксиқәа рныҟәцаҩцәа дырҧылеит. 

Аиҧылара далахәын иара убас Ахада ихаҭыҧуаҩы Витали Габниа, Ахада иабжьагаҩ Амиран Лагәлаа. 

Араионтә автотранспорттә наплакқәа рнапхгаҩцәеи амаршртуттә таксиқәа рныҟәцаҩцәеи Аенергетикеи авторанспорти рзы Аҳәынҭқарратә усбарҭа абаланс ахь аиагаразы иҟоу аинформациа инадҳәаланы агәыҵха ирымаз атәы рҳәеит, ари аилазаареи дареи реизыҟазаашьа шҭышәынтәалам азгәаҭаны.

Ҳазҭоу ашықәс ҧхынгәымза 8 рзы транспортла аиқәыршәара азҵаара иазкыз аилацәажәараҟны Ахада адҵа ҟаиҵеит апассаџьырмҩангара асистема аиҕьтәразы ажәалагалақәа азырхианы ақәыргыларазы.

Аҳәынҭқарра Ахада адҵа ҟаиҵеит ишьақәгылаз аҭагылазаашьа ҭҵааны, алҵшьас иҟоу азы ажәалагалақәа азырхианы рықәыргылара. Адҵа анагӡара амҩаҧысшьа хылаҧшра аҭара инапы ианҵоуп Ахада ихаҭыҧуаҩы.

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org