Аҧсны Аҳәынҭқарра Ахада

 

Рауль Ҳаџьымба Иақәыҧ Лакоба Имшира идиныҳәалеит

02.08.2015

"Ҳаҭыр зқәу Иақәыҧ Уасил-иҧа!

Гәык-ҧсыкала иудысныҳәалоит умшира! Иузеиҕьасшьоит агәамч ҕәҕәа, анасыҧ, аманшәалара!

Ҳажәлар, ҳинтеллигенциа пату рзақәуп Аҧсны амилаҭтә интересқәа рыхьчараҿы уара иааурҧшхьо алшамҭа ду. Ҩашьара ақәым уара уажәа, удырра, еснагь аиаша ахьчара иазку уҧсҭазааратә принципра.

Уара напхгара зуҭо Аҧсны Жәлар Рпартиа иалшахьоу рацәоуп ихьыҧшым ҳҳәынҭқарраҿы азинтә-демократиатә ҧҟарақәа рышьақәырҕәҕәараҿы.

Сақәгәыҕуеит лыҵшәа бзиала ҧхьаҟатәи ҳусеицура, даҽазныкгьы иузеиҕьасшьоит агәалаҟара шьахә, аҧсуа шықәсынҵыра ду!"

Аҧсны Аҳәынҭқарра Ахада
Рауль Ҳаџьымба.

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org