Аҧсны Аҳәынҭқарра Ахада

 

Аҧсны Аҳәынҭқарра Абираҟ Амш азы адныҳәалара

23.07.2015

Рауль Ҳаџьымба Аҧсны жәлар ирыдиныҳәалеит Аҧсны Аҳәынҭқарра Абираҟ Амш.

Алада Ахада иҟаиҵаз адныҳәалара атекст хаҭәааны иануп.

Акыр иаҧсоу ҳџьынџьуаа!

Гәык-ҧсыкала ишәыдысныҳәалоит Аҧсны Аҧсны Аҳәынҭқарра Абираҟ Амш!

Аҧсны аҳәынҭқарра аҭоурых ҿыц иузаҟәымҭхо иадҳәалоуп ҳтәыла аофициалтә символқәа. 1992 шықәса ҧхынгәы 23 ры ауаажәларратә-политикатә ҭагылазаашьа аныуадаҩыз аамҭазы Владислав Арӡынба хантәаҩра ззиуаз Аҧсны Иреиҳаӡоу Асовет ишьақәнарҕәҕәеит Аҧсны Аҳәынҭқарратә бираҟи Аҳәынҭқарратә герби. Ҳажәлар рмилаҭтә-хақәиҭратә қәҧараҟны ҭоурыхтә хҭысны иҟалеит ари амш.

Аҳәынҭқарратә бираҟ аибашьра адәқәа рыҟны аиааиреи зхы иақәиҭу ихьыҧшым аҳәынҭқарра аихьӡарақәеи ирбираҟны иҟалеит. Зхатәы официалтә символқәа змоу зхы иақәиҭу ҳҳәынҭқарра шьаҿа ҕәҕәала ахықәкы хадахьы ихоу – иҕәҕәоу, ахныҟәгаразылшо , иеизҳазыҕьо, жәларбжьаратәи азхаҵара змоу аҳәынҭқарра аргылара амҩа иануп.

Ари амш ссир аҽны Аҧсны иқәынхо ауааҧсыра зегьы ирзеиҕьасшьоит агәабзиара, аҭынчра, аизҳазыҕьара.

Рауль Ҳаџьымба


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org