Аҧсны Аҳәынҭқарра Ахада

 

Ахада Ҭаҭарсҭан Ареспублика (Урыстәылатәи Афедерациа) ашҟа усуратә визитла ицара

22.07.2015

2015 шықәса ҧхынгәы 23-25 рзы имҩаҧысраны иҟоуп Аҧсны Ахада Ҭаҭарсҭан Ареспублика (Урыстәылатәи Афедерациа) ашҟа усуратә визитла ицара.

Авизит аан иазҧхьагәаҭоуп аамҭала Ҭаҭарсҭан Ареспублика Ахада инапынҵақәа назыгӡо Рустам Минниханови аиҳабыра алахәылаҩцәеи рҧылара.

Иара убас Рауль Ҳаџьымба диҧылараны дыҟоуп Ҭаҭарсҭан Ареспублика Аҳәынҭқарратә Абжьагаҩ Минтимер Шаимиев.

Авизит хықәкы хаданы иамоуп Аҧсны Аҳәынҭқарреи Ҭаҭарсҭан Ареспубликеи рыбжьара аекономикатә усеицура арҿиареи арҕәҕәареи. Иазҧхьагәаҭоуп Рауль Ҳаџьымба анаплакы дуқәа, аагхлыхратә паркқәеи атехнопаркқәеи рыҟны, атехнологиа ҳаракқәа рыҟәшаҟны, иҷыдоу аекономикатә ҭыҧ"Алабуга" аҟны инеира.

Рауль Ҳаџьымба иццараны иҟоуп Ахада Иусбарҭа Анапхгаҩы Асҭамыр Ҭаниа, аҧыза-министр ихаҭыҧуаҩы Дмитри Сериков, Ахада Иабжьагаҩ Амиран Лагәлаа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org