Аҧсны Аҳәынҭқарра Ахада

 

Амедицинатә усзуҩы Имш азы адныҳәалара

21.06.2015

Аҧсны амедицинатә усзуҩцәа рзы

Акыр иаҧсоу аҩызцәа!

Гәык-ҧсыкала ишәыдысныҳәалоит шәзанааҭтә ныҳәа – Амедицинатә усзуҩы Имш.

"Шәара шәус ҭакҧхықәра ду зцу, иҧшьоу усуп, избанзар шәнапы иануп ауаҩы имоу зегьы реиҳа хәы змоу - игәабзиара ахьчара. Шәара есҽнытәи шәџьа, имариам аҭагылазаашьақәа рыҟны хамеигӡарада имҩаҧыжәго шәусура ахәшьара ҳаракӡа иаҧсоуп.

Ҳара ҳҳәынҭқарра зҿлымҳра ду анаҭоит агәабзиарахьчара арҿиара аус. Агәра ганы сыҟоуп, шәара шәыцхыраарала иҟоу ауадаҩрақәа рыӡбара шҳалшо, аҳақьымцәа русуразы аҭагылазаашьа бзиақәа аҧҵаны, ҳтәылаууаа зхаҭабзиара ҳараку амедицинатә цхыраара рыҭара шҳалшо".

Акыр иаҧсоу аҩызцәа, ишәзеиҕьасшьоит агәабзиара, аихьӡарақәа дуқәа шәнапы злаку аус аҟны.

Рауль Ҳаџьымба


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org