Аҧсны Аҳәынҭқарра Ахада

 

Аҧсны абыргцәа Рхеилак Ахантәаҩы Озган К.К. иахь

15.05.2015

Аҧсны абыргцәа Рхеилак Ахантәаҩы Озган К.К. иахь

Ҳаҭыр зқәу Константин Константин-иҧа!

Шәымшира шәыдныҳәало, ишәзеиҕьасшьарц сҭахыуп агәамч ҕәҕәа, ҧхьаҟатәи аихьӡарақәа шәнапы злакыу ауаажәларратә усураҿы. Шәара еицырдыруа ҳәынҭқарратә усзуҩык, напхгаҩык иаҳасабала шәызнысыз амҩа иацын ахьанҭарақәа маҷымкәа, лымкаалагьы иҳаҩсыз ашәышықәса 70-80-90-тәи ашықәсқәа раан. Аҧсуа жәлар рҿаҧхьа иқәгылаз аполитикатә проблема уадаҩқәа рыӡбараан шәара иаашәырҧшуан хаҭалатәи аҭакҧхықәра.

Шәылшамҭақәа маҷым еижьрацәароу аҧсуа жәлари Нхыҵ-Кавказтәи ажәларқәеи реимадара арыҕәҕәара аганахьала. Акыр шықәса напхгара зышәҭо Аҧсны абыргцәа Рхеилак аҿаҧхьагьы иқәгыло азҵаарақәа рацәоуп ҳмилаҭтә ҵасқәеи, ҳдоуҳатә традициақәеи реиқәырхара аганахьала.

Даҽазныкгьы ишәзеиҕьасшьоит агәалаҟазаара бзиа, аманшәалара, агәыхәтәхьӡара!

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org