Рауль Ҳаџьымба ианашьоуп "Аибашьраҿы агәымшәаразы” амедаль

29.04.2015

Черқьесск 

Урыстәылазегьтәи аветеранцәа руаажәларратә еиҿкаара “Аибашьратә еиҩызара” Ҟарачы –Черқьестәи ареспубликатә ҟәша Ахеилак еицҿакны ишьҭырхыз аӡбамҭала Урыстәылеи Аҧсни ажәларқәа риашьара арҕәҕәараҿы илшамҭа ҷыдақәа рзы, 1992-1993 шш. Аҧсны жәлар рџьынџьтәылатә еибашьра хатәгәаҧхарала иеибашьуаз ириҭо адгыларазы Аҧсны Аҳәынҭқарра Ахада Рауль Ҳаџьымба ианашьоуп “Аибашьраҿы агәымшәаразы” амедаль. Амедаль ианашьара мҩаҧысит Рауль Ҳаџьымба хатәгәаҧхарала Аҧсны иеибашьуаз – ауаажәларратә еиҿкаара “ҞЧА аҟнытә Аҧсны иеибашьуаз реидгыла” алахәылаҩцәа данырҧылоз.

Возврат к списку