Аҧсны Аҳәынҭқарра Ахада

 

Ахада Москватәии Урыстәыла зегьтәии Апатриарх Кирилл Имшира идиныҳәалеит

20.11.2020

Аԥсны Аҳәынҭқарра Ахада Аслан Бжьаниа Москватәии Урыстәыла зегьтәии Апатриарх Кирилл Имшира идиныҳәалеит.

Адныҳәаларатә цҳамҭаҟны иазгәаҭоуп:

«Шәыԥшьаҳаракыра, азин сышәҭозар, гәык-ԥсыкала ишәыдысныҳәалоит Шәымшира!

Аиашахаҵара ныҟәызго ақьырсианцәа рзы Шәара аԥшьамаҵзураҟны шәҿырԥшыгоуп.

Шәара шәџьа, иныҟәыжәго ауаҩибзиабара, ақьырсиантә принципқәа рықәныҟәара аиашахаҵара злоу ажәларқәа реимадареи реиҩызареи рырӷәӷәара иацхраауеит.
Ҳара иҭабуп ҳәа шәаҳҳәоит Аԥсны ақьырсиантә ԥшьаҭыԥқәа реиҭеиразы иҟашәҵо адгыларазы.

Абри амш аҽны ишәзеиӷьасшьарц сҭахуп агәабзиара, Урыстәыла Аиашаҳаҵаратә Ныхеи Урыстәылеи уи анҭыҵи аиашахаҵара иқәныҟәо ауааԥсыреи рыхьӡала шәнапы злаку Аԥхьаԥшьаратә усураҟны адоуҳамчи аихьӡарақәеи».

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org