Аҧсны Аҳәынҭқарра Ахада

 

Ахада Тҟәарчал араион Администрациа аколлектив ахада ин.н. Исидор Дочиа дыдирдырит

15.05.2020
Ахада Тҟәарчал араион Администрациа аколлектив ахада ин.н. Исидор Дочиа дыдирдырит
Аҧсны Аҳәынҭқарра Ахада Аслан Бжьаниа Тҟәарчал араион Администрациа аколлектив ахада ин.н. Исидор Дочиа дыдирдырит.

Тҟәарчал араион ахада ирдырра иазкыз аиҧылара далахәын иара убас Ахада Иадминистрациа Анапхгаҩы Алхас Кәыҵниа.
«Исидор Шолодиа-иҧа ибзианы дыжәдыруеит, агәра згоит хәоуеиқәшәарала аус еицужәуеит ҳәа», – иҳәеит Ахада.

Аслан Бжьаниа ҧасатәи анапхгара иҭабуп ҳәа реиҳәеит имҩаҧыргаз аусуразы, араион аҿиараҟны рлагаламҭазы.

«Зегьы иргәалашәоит Аҧсны аҭоурых ҿыц аҟны тҟәарчалаа рџьабаа. Рыцҳарас иҟалаз, аҳәынҭқарра макьана араиони ауааҧсыреи ирымоу ауадаҩрақәа зегьы рыӡбара алымшаҵ. Ҳара ҷыдала Тҟәарчали тҟәарчалааи хылаҧшра раҳҭар ҳҭахуп. Анапхгара ҿыц раҧхьа иргыланы агәреибагара шьақәнаргылароуп шәыҩныҵҟа, ус ада атәыла аҿиара зыҟалаӡом. Ҧаса иҟаз аҟазшьа бааҧсқәа ҳрыцәхьаҵлароуп. Ҳара жәларык ҳауп, ҳаидгыланы аҳәынҭқарра арҿиара ҳалагароуп, акадртә зҵаарақәа рыӡбараҟынгьы абри апринцип ҳақәныҟәоит», – иҳәеит Аслан Бжьаниа.

Исидор Дочиа иганахьала, Аҧсны Ахада иҭабуп ҳәеиҳәеит ииҭаз агәарагаразы:

«Ахада дсырҧхашьарым ҳәа сгәы иаанагоит, иара убас сҩызцәагьы. Ламысцқьала аусура салагоит. Уажәы ари азы ажәа шәысҭоит», – иҳәеит Исидор Дочиа.

Ахада абри ашьҭахь Тҟәарчал араион Администрациа анапхгареи аусзуҩцәеи, Тҟәарчал араион ақыҭақәа рхаҭарнакцәа злахәыз аусуратә еиҧылара мҩаҧигеит.

Аиҧылараҟны иалацәажәеит асоциалтә ҟазшьа змоу, иара убас араион аҿиара иадҳәалоу иактуалтәу азҵаарақәа.


0X0A8273.JPG
0X0A8238.JPG
0X0A8259.JPG




Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org