Аҧсны Аҳәынҭқарра Ахада

 

Ахада Гагра араион ахада ин.н. администрациа аколлектив дыдирдырит

04.05.2020
Ахада Гагра араион ахада ин.н. администрациа аколлектив дыдирдырит
Аԥсны Аҳәынҭқарра Ахада Аслан Бжьаниа Гагра араион Администрациа аколлектив ахада ин.н. Иури Хагәыш дыдирдырит.

«Абзиара шәымаз, ҳаҭыр зқәу аколлегацәа. Сара снапы аҵазҩит Гагра араион Администрациа ахада инапынҵақәа рынагӡаҩы иаҳасабала, АА апарламент адепутат Хагәыш Иури Леуа-иҧа иаҭаразы Аусҧҟа», – абарҭ Ахада иажәақәа рыла иаартын аиҧылара.

Аҳәынҭқарра Ахада аколлективи араион Администрациа ҧасатәи ахадареи русуразы иҭабуп ҳәа раҳәо, иазгәеиҭеит ари аҧхьа аколлектив аҟны иҟаз аусуреи атрадициа бзиақәеи Иури Хагәыш рыцҵара шилшо ала агәра шиго.

«Гагра араион – ҳтәыла агәашәқәа раҳасабала, ҧасатәи СССР анҭыҵгьы еицырдыруа қалақьуп. Ари араион ҳҳәынҭқарра ахаҿра аазырҧшуа акоуп. Атәыла анапхгара аганахьала араион, ақыҭақәа ацхыраара рыҭахоит», – иҳәеит Ахада.

Иара убас уи иазгәеиҭеит Гагра араион Администрациаҟны анагӡаратә леишәа арбагақәа реизҳара иалагап ҳәа агәыҕра шимоу:

«Ҳара ҳусураҟны ихадараны иалаҳкаауа еилкаауп, раҧхьа иргыланы ҳтәылаҟны азинтә леишәа ашьақәыргылароуп. Анагӡаратә леишәа арбагақәа ҳаракызароуп. Ақалақь иара иқәынхо ауааҧсыра ргәыҕрақәа ирықәшәо иҟазароуп. Анагӡаратә мчхара, ақалақьтә еизара – еиҿыбааны аус еицызуа, акрызҵазкуа институтқәаны иҟалароуп. Сгәы иаанагоит шәара аусура аиҿкаара шәылшап ҳәа. Иҭабуп шәахьысзыӡырҩыз».


photo5296788471450545681.jpg

photo5296788471450545683.jpg

 

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org