Аҧсны Аҳәынҭқарра Ахада

 

Ахада арратә маҵзурахьы ааҧхьара аҿҳәара аиагаразы Аусҧҟа инапы аҵаиҩит

29.04.2020

Аҧсны Аҳәынҭқарра Ахада Аслан Бжьаниа арратә маҵзурахьы ааҧхьара аҿҳәара аиагаразы Аусҧҟа инапы аҵаиҩит.

Аусҧҟа атекст аҟны иҳәоуп:  

«Аҧсны Аҳәынҭқарра коронавирустә ҿкы COVID-19 алаҵәара алмыршара хықәкыс иҟаҵаны, «Арратә ҧхықәреи арратә маҵзуреи рзы» 2014 шықәса лаҵарамза 6 аҟн., № 3498-c-V, «Атәылахьчаразы» 2006 шықәса ажьырныҳәамза 4 аҟн., № 1224-c-XIV Аҧсны Аҳәынҭқарра Азакәанқәа шьаҭас иҟаҵаны:

1. Арратә маҵзурахьы ааҧхьара аҿҳәара ииагазааит 2020 шықәса лаҵарамза 1 аҟнытә 2020 шықәса лаҵарамза 25 рахь.

2. Арратә маҵзурахьы иааҧхьазааит 2020 шықәса лаҵарамза 25 инаркны ҧхынгәымза 31-нӡа Аҧсны Аҳәынҭқарра атәылауаа қәрала 18 шықәса инаркны 27 шықәса рҟынӡа зхыҵуа, ҧхьатәара иҟам, арратә маҵзурахьы анаҧхьара иаҵанакуа, 330-ҩык рҟынӡа.
  
3. Арратә маҵзураҟнытә рхы иақәиҭтәызааит аррамаҵзуҩцәа, арратә маҵзураҟны зыҿҳәара нҵәаз.  

4. Аҧсны Аҳәынҭқарра Аминистрцәа реилазаара, ақалақьқәеи араионқәеи радминистрациақәа Аҧсны Аҳәынҭқарра атәылауаа арратә маҵзурахьы рнаҧхьара иадҳәалоу аусмҩаҧгатәқәа харҭәааны рынагӡара алдыршааит.  

5. Аҧсны Аҳәынҭқарра Ахада ин.н. 2020 шықәса хәажәкырамза 26 аҟн., № 75 «Арратә маҵзурахьы ааҧхьара аҿҳәара аиагареи ааҧхьарала арратә маҵзура иахысуа атәылауаа арратә маҵзураҟнытә рхы рақәиҭтәреи рзы» Иусҧҟа амч ацәыӡит ҳәа иазхаҵазааит».

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org