Аҧсны Аҳәынҭқарра Ахада

 

Ахада Аминистрцәа реилазааразы Аусԥҟа инапы аҵаиҩит

28.04.2020

Аԥсны Аҳәынҭқарра Ахада Аслан Бжьаниа «Аҧсны Аҳәынҭқарра Аминистрцәа реилазааразы» Аусҧҟа инапы аҵаиҩит.

Аусҧҟа аҟны иҳәоуп:

«Аҧсны Аҳәынҭқарра Аконституциеи Аҧсны Аҳәынҭқарра Аминистрцәа реилазааразы (Аиҳабыразы)» 1996 шықәса нанҳәамза 13 аҟн., № 290-с Аҧсны Аҳәынҭқарра Аконституциатә закәани инарықәыршәаны:

1. Ишьақәырҕәҕәазааит алада иарбоу Аҧсны Аҳәынҭқарра Аминистрцәа реилазаара:

I. Аҧсны Аҳәынҭқарра Аминистрцәа реилазаара анапхгара
1) Аҧсны Аҳәынҭқарра Аҧыза-министр;
2) Аҧсны Аҳәынҭқарра Аҧыза-министр Актәи ихаҭыҧуаҩ;
3) Аҧсны Аҳәынҭқарра Аҧыза-министр ихаҭыҧуаҩ;
4) Аҧсны Аҳәынҭқарра Аҧыза-министр ихаҭыҧуаҩ;
5) Аҧсны Аҳәынҭқарра Аҧыза-министр ихаҭыҧуаҩ;

II. Аҧсны Аҳәынҭқарра Аминистррақәа

1) Аҧсны Аҳәынҭқарра Аҩныҵҟатәи аусқәа рминистрра;
2) Аҧсны Аҳәынҭқарра Агәабзиарахьчара аминистрра;
3) Аҧсны Аҳәынҭқарра Акультура аминистрра;
4) Аҧсны Аҳәынҭқарра Адәныҟатәи аусқәа рминистрра;
5) Аҧсны Аҳәынҭқарра Атәылахьчара аминистрра;
6) Аҧсны Аҳәынҭқарра Ашәахтәқәеи аизгатәқәеи рминистрра;
7) Аҧсны Аҳәынҭқарра Аҷыдалкаатә ҭагылазаашьақәа рзы  аминистрра;
8) Аҵареи абызшәатә политикеи рзы Аҧсны Аҳәынҭқарра аминистрра;
9) Аҧсны Аҳәынҭқарра Ақыҭанхамҩа аминистрра;
10) Аҧсны Аҳәынҭқарра Асоциалтә еиқәыршәареи адемографиатә политикеи рминистрра;
11) Аҧсны Аҳәынҭқарра Атуризм аминистрра
12) Аҧсны Аҳәынҭқарра Афинансқәа рминистрра;
13) Аҧсны Аҳәынҭқарра Аекономика аминистрра;
14) Аҧсны Аҳәынҭқарра Аиустициа аминистрра.

III. Аҧсны аҳәынҭқарратә еилакқәа
1)    Аҿари аспорти русқәа рзы Аҧсны аҳәынҭқарратә еилакы;
       2) Астандартқәеи, ахархәаратәи, атехникатәи хылаҧшразы Аҧсны аҳәынҭқарратә еилакы;
       3) Астатистиказы Аҧсны аҳәынҭқарратә еилакы;
       4) Аҳәынҭқарратә мазара напхгараҭареи априватизациеи рзы Аҧсны аҳәынҭқарратә еилакы;
      5)   Аҧсны аҳәынҭқарратә ҳазалхратә еилакы;
      6) Аҧсадгьыл ахь ахынҳәразы Аԥсны аҳәынҭқарратә еилакы;
      7) Аекологиазы Аԥсны аҳәынҭқарратә еилакы;
      8) Аимадареи, амассатә коммуникациеи, ацифратә ҿиареи рзы Аҧсны аҳәынҭқарратә еилакы;

IV.  Аҧсны Аҳәынҭқарратә усбарҭақәеи амаҵзурақәеи;
1) Аҧсны аҳәынҭқарратә ветеринартә маҵзура;
2) Аҵиаақәа ркарантин азы Аҧсны аҳәынҭқарратә инспекциа;
3) Аҧсны Аҳәынҭқарратә миграциатә маҵзура;
4) Аҧсны аҳәынҭқарратә архивтә усбарҭа;
5) Аҧсны Аҳәынҭқарра абнатә нхамҩа аусбарҭа;
6) Адгьылхархәареи акадастри рзы Аҧсны аҳәынҭқарратә усбарҭа;
7) Аргылареи анхара-коммуналтә нхамҩеи рзы Аҧсны аҳәынҭқарратә усбарҭа;
8) Шьаҭанкылатәи аргыларазы Аҧсны аҳәынҭқарратә усбарҭа;
6) Аекологиеи аҧсабара ахьчареи рзы Аҧсны аҳәынҭқарратә усбарҭа;
7) Афымцамчи, атранспорти, аимадареи рзы Аҧсны аҳәынҭқарратә усбарҭа.

Еиҭеиҿкаазааит:  

-    Аҧсны Аҳәынҭқарра Аҵара аминистрреи Аҳәынҭқарратә бызшәатә политиказы Аҧсны аҳәынҭқарратә еилаки реидҵарала Аҧсны Аҳәынҭқарра Аҵареи абызшәатә политикеи рминистрра;
       -      Аҧсны Аҳәынҭқарра Агәабзиарахьчареи асоциалтә еиқәыршәареи рминистрра Аҧсны       Аҳәынҭқарра Агәабзиарахьчара аминистрреи Аҧсны Аҳәынҭқарра асоциалтә еиқәыршәареи адемографиатә политикеи рминистрреи реиҟәгарала;  
      - Аҧсны Аҳәынҭқарра арепатриациеи адемографиа рминистрра Аҧсадгьыл ахынҳәразы Аҧсны аҳәынҭқарратә еилакы ҳәа адемографиа аусхк аҟны иара афункциақәеи азинмчқәеи Аҧсны Аҳәынҭқарра Асоциалтә еиқәыршәареи адемографиатә политикеи рминистррахь аиагарала;
- Акурортқәеи атуризми рзы Аҧсны аҳәынҭқарратә еилакы Аҧсны Аҳәынҭқарра Атуризм аминистрра ҳәа;
- Ақыҭанхамҩазы Аҧсны аҳәынҭқарратә еилакы Аҧсны Аҳәынҭқарра Ақыҭанхамҩа аминистрра ҳәа;  
- Аекологиеи аҧсабара ахьчареи рзы Аҧсны Аҳәынҭқарратә усбарҭа Аекологиеи аҧсабара ахьчареи рзы Аҧсны аҳәынҭқарратә еилакы ҳәа;    
- Афымцамчи, атранспорти, аимадареи рзы Аҧсны аҳәынҭқарратә усбарҭа Аимадареи, амассатә коммуникациеи, ацифратә ҿиареи рзы Аҧсны аҳәынҭқарратә еилакы ҳәа афымцамчи атранспорти русхк аҟны иара афункциақәеи азинмчқәеи Аҧсны Аҳәынҭқарра аекономика аминистррахь ииаганы.

3. Ахьӡ ҧсахзааит:

- Аргылареи архитектуреи анхара-коммуналтә нхамҩеи рзы аҳәынҭқарратә усбарҭа Аргылареи анхара-коммуналтә нхамҩеи рзы Аҧсны аҳәынҭқарратә усбарҭа ҳәа;
- Аргыларазы Аҧсны аҳәынҭқарратә еилакы Аҧсны Аҳәынҭқарра Шьаҭанкылатәи аргыларазы аусбарҭа ҳәа;

4. Аҧҵаҩыс ишьақәыргылазааит:

1)   Аҧсны Аҳәынҭқарра Асоциалтә еиқәыршәареи адемографиатә политикеи рминистрра:
- Аҧсны Аҳәынҭқарра Атәанчаратә фонд;
- Аҧсны Аҳәынҭқарра Асоциалтә ҧгаҧсареи аџьа ахьчареи рфонд;
- 1992 - 1993 шш. Аҧсны Аџьынџьтәылатә еибашьра аинвалидцәа аҳәынҭқарратә ибиуџьеттәым рфонд рганахьала.

2) Аҧсны Аҳәынҭқарра Агәабзиарахьчара аминистрра Аҧсны Аҳәынҭқарра Ихымҧадатәиу амедицинатә ҧгаҧсара афонд аганахьала.

3) Шьаҭанкылатәи аргыларазы Аҧсны аҳәынҭқарратә усбарҭа Аҧсны Аҳәынҭқарра амҩатә фонд аганахьала.

5. Ишьақәыргылазааит абри Аусҧҟа инақәыршәаны еиҭеиҿкаахо Аҧсны аҳәынҭқарратә напхгараҭаратә усбарҭа хадақәа рфункциақәа рынагӡара иацырҵоит ҳәа аиҿкаара-штаттә усмҩаҧгатәқәа хыркәшахаанӡа.

6. Аҧсны Аҳәынҭқарра Аминистрцәа реилазаара анормативтә зинтә актқәа абри Аусҧҟа инақәыршәаны ишьақәнаргылааит.  

7. Абри Аусҧҟа амч аиуеит ианаҵаҩха инаркны, аус агьауеит  2020 шықәса ҧхынҷкәынмза 31-нӡа.

8. Абри Аусҧҟа амч анаиу инаркны амч ацәыӡит ҳәа иҧхьаӡазааит:

- «Аҧсны Аҳәынҭқарра Аминистрцәа реилазаара   ашьақәырҕәҕәаразы» Аҧсны Аҳәынҭқарра Ахада Иусҧҟа 2019 шықәса жьҭаарамза 28 аҟн., № 284;
- «Аҧсны Аҳәынҭқарра Аминистрцәа реилазаара   алаҵаразы»»   Аҧсны Аҳәынҭқарра Ахада Иусҧҟа 2020 шықәса ажьырныҳәамза 23 аҟн., № 22.

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org