Ахада Аҧсны иҟоу МП Ареспублика ахаҭарнакра ахада дидикылеит

23.04.2020
Ахада Аҧсны иҟоу МП Ареспублика ахаҭарнакра ахада дидикылеит
Аҧсны Аҳәынҭқарра Ахада Аслан Бжьаниа Приднестровиатәи Молдавиатәи Ареспублика Аофициалтә хаҭарнакра ахада Гарри Кәупалба дидикылеит.

Аиҧылараан МП Ареспублика ахаҭарнакра ахада Приднестровиатәи Молдавиатәи  Ареспублика Ахада иҟнытә иара убас иара ихаҭа иҟнытә идиныҳәалеит Аслан Бжьаниа Ахада имаҵурахьы инеира, иазгәеиҭеит аҩ-тәылак реиҩызаратә еизыҟазаашьақәа рҭоурыхтә ҵакы:

«Хымҧада Приднестровиатәи Молдавиатәи Ареспублика ахада ҳаиҧыларазы адырра исҭоит. Иреиҕьу азеиҕьашьарақәа шәзааицҳауеит. Иара Аҧсны азы ҩыза дууп. Приднестровиа ауааҧсыра ирдыруеит Приднестровиатәи Молдавиатәи Ареспубликеи Аҧсни реиҩызара иахьа ишаламгаз.

Аибашьра аҧхьатәи амшқәа инадыркны приднестроваа ара иааны еибашьуан. Аҧсны жәларбжьаратәи аизыҟазаашьақәа рҭоурых аҟны аиҩызареи аусеицуреи рзы Аҧсны знапы аҵаҩыз адокумент (1993 ш. ажьырныҳәамза 22) Приднестровиатәи Молдавиатәи Ареспубликеи Аҧсни реизыҟазаашьа иазкын. Ирыҵаҩуп 30 инареиҳаны аҳәынҭқаррабжьаратәи аусбарҭабжьаратәи документ.

2017 шықәсазы иаҵаҩын аиҩызареи аусеицуреи рзы аиқәшаҳаҭра, уажәы ҳусура еиҿаҳкаауеит аекономикатә еизыҟазаашьақәа рышьақәыргыларазы. Иҟоуп иазҧхьагәаҭоу аусмҩаҧгатәқәа, сгәы иаанагоит, иҳабжьаз аизыҟазаашьақәа ирыцҵахоит ҳәа».

Абри анаҩс, аганқәа рылацәажәеит коронавирустә ҿкы алаҵәара аҿагыларазы ақәҧараҟны ишьақәгылаз аҭагылазаашьа, МП Ареспублика ачымазцәа рыцхыраара аиҿкаара аус аҟны аҧышәа.  

Аиҧылара ахыркәшамҭазы аҳәынҭқарра Ахада Аслан Бжьаниа ҩ-тәылак реизыҟазаашьа аихаҳара шыҟало азы имоу агәыҕра атәы иҳәеит:

«Даара сгәыҕуеит иахьа иҟоу аизыҟазаашьақәа рыҩаӡара иазҳауеит ҳәа хыҧхьаӡара рацәала аус бзиақәа рыла. Шәара ҩ-культурак – аҧснытәии приднестровиатәии акультурақәа мҩаҧызго шәреиуоуп. Ари алҵшәа бзиа аиура алнаршоит. Иҭабуп идуӡӡаны».

Возврат к списку