Мшаҧныҳәа адныҳәалара

19.04.2020

Аҧсны Аҳәынҭқарра Ахада инапынҵақәа назыгӡо Валери Бганба Аҧсны ақьырсианцәеи Мшаҧныҳәа азгәазҭо атәылауааи аныҳәа рыдиныҳәалеит.

Адныҳәалараҟны, ҷыдала, иҳәоуп:
«Акыр иаҧсоу ҳауаажәлар!

Гәык-ҧсыкала ирыдысныҳәалоит Мшаҧы Лаша аныҳәа ақьырсиан иашахаҵара ныҟәызго Аҧсны ауааҧсыра!

Мшаҧныҳәа дуӡӡа зықьҩыла ҳтәылауаа еиднакылоит, аҧхарра, анасыҧ рнаҭоит, мшаҧныҳәа аҵас ҧшӡақәа ҩнаҭацыҧхьаӡа ҭагылазаашьа ҷыдак аҧырҵоит.

Аиашахаҵаратә ныҳәа хада иаҳнаҭоит агәыҕра, адоуҳатә идеиалқәа ҳрызхьанарҧшуеит, аус бзиақәа ҳгәы рызҭанаҵоит.
Гәык-ҧсыкала ишәыдысныҳәалоит аныҳәатә гәалаҟазаара, агәҭынчра, агәабзиара, аизҳазыҕьара. Дасу шәыҧсҭазаара иагымзааит есқьынгьы абзиабара, ахирра.
Ҽааныбзиала шәнеиааит!».

Возврат к списку