Аҧсны Аҳәынҭқарра Апрокуратура хада аусзуҩцәа рыдныҳәалара

15.04.2020

Аҧсны Аҳәынҭқарра Ахада инапынҵақәа назыгӡо Валери Бганба Апрокурор хада Адгәыр Агрбеи апрокуратура аусбарҭа хада аусзуҩцәа зегьи ирыдиныҳәалеит Аҧсны Аҳәынҭқарра Апрокуратура хада аҧҵара амш.

Адныҳәалараҟны, ҷыдала, иҳәоуп:

«Ҳаҭыр зқәу Адгәыр Нугзар-иҧа!

«Гәык-ҧсыкала ишәыдысныҳәалоит Аҧсны Аҳәынҭқарра Апрокуратура хада аҧҵара амш. Аҧсны Аҳәынҭқарра Апрокуратура анышьақәгыла инаркны агәра ҳнаргеит иара зызку — азакәан ахадаратәра алыршара, Аҧсадгьыли ажәлари рымаҵ аура ишазхиоу.

Аусдырра, аҧсыцқьара, апринципра, ахықәкы ацәхьамҵра — апрокурорцәа ирҟазшьоу ҷыдарақәаны иҟоуп.

Иҭабуп ҳәа расҳәар сҭахуп аус зуа аусзуҩцә реиҧш, апрокуратура аусзуҩцәа рабиҧара ҿыцқәа зҧышәа рымардаз аветеранцәагьы. Агәра згоит шәеиҳабацәа хьӡы змоу рытрадициақәа еиқәырханы реиҳахаҳара шшәылшо.

Шәара аҧхьа шәнаргыланы, Апрокуратура хада аусзуҩцәагьы Шәаргьы ишәзеиҕьасшьоит шәусураҿы аихьӡарақәа, агәабзиара, анасыҧ, аҭынчра, азанааҭтә еизҳара».

Возврат к списку