Ахада ин.н. Тҟәарчал ақалақь ауааҧсыра ақалақь амш рыдиныҳәалеит

09.04.2020

Аҧсны Аҳәынҭқарра Ахада инапынҵақәа назыгӡо Валери Бганба Тҟәарчал ақалақь ауааҧсыра ақалақь амш рыдиныҳәалеит.

Адныҳәалараҟны иҳәоуп:

«Имариам ақалақь-фырхаҵа Тҟәарчал знысыз аҭоурыхтә мҩа. 1992-1993 шш. Аҧсны жәлар рџьынџьтәылатә еибашьраан тҟәарчалаа хамеигӡарада рықалақь ахьчаразы игылеит. Иаадырҧшыз ахачҳареи, афырхаҵареи ирыбзоураны аибашьратә блокада рхыргеит, ақалақь аҕа далармыжьлеит.

Агәра згоит, хара имгакәа, ақалақь инарҭбааны аиҭеира, аизҳазыҕьаразы алшара ҿыцқәа шҳауа.
Абри аныҳәамш аҽны ақалақь-фырхаҵа Тҟәарчал ауааҧсыра зегьы ирзеиҕьасшьоит агәабзиара, анасыҧ, рнапы зларкуа аусқәа рыҟны аихьӡарақәа».

Возврат к списку