Аҧсны Аҳәынҭқарра Ахада

 

Ахада ин.н. Аҧсны жәлар рышҟа иҟаиҵаз ааҧхьара

08.04.2020

Аҧсны Аҳәынҭқарра Ахада инапынҵақәа назыгӡо Валери Бганба Аҧсны Аҳәынҭқарраҟны короновирус ҿкы ацәырҵра инамаданы ажәлар рахь ааҧхьара ҟаиҵеит.

        ***

Ҳаҭыр зқәу ҳауаажәлар!

Аамҭа уадаҩ ҳҭагылоуп, еиҭа даҳҿагылоуп аӷа. Уи дубом, дуаҳауам, аха имч маҷым. Ус шакәу аабоит егьырҭ аҳәынҭқаррақәа рҿы имҩаҧысуа ахҭысқәа рыла.

Иахьа уи ачымазара бааҧсы ҳаргьы ҳгәара иҭалеит. Амч, алшара иҳамоу зегьы рыла уи аанкылара ҳаҿуп. Аха еиҳа зымчу шәара шәоуп. Шәхы шәыхьчар, шәҭаацәа шәыхьчар, шәҩызцәа шәыхьчар, шәыҩнаҭақәа рҿы ичҳаны шәтәар, хымҧада, ацхыраара ду ҳашәҭоит.

Уи адагьы иаҳхаҳмыршҭыроуп ҳқыҭақәа, ҳхәышҭаарақәа. Изылшо ҳгьежьып. Ақыҭа акәын Аҧсны зыхьчоз, ақыҭа акәын краҳҿазҵоз, ҳаиқәзырхоз.

Даҽа знык аҳәара ҟасҵоит – шәхы шәыхьча, ҳхы ҳахьчар, Анцәагьы ҳихьчоит.

Шәагымхааит Аҧсынра! Анцәа шәихьчааит!

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org