Аҧсны Аҳәынҭқарра Ахада

 

Науру Ареспублика Ахада Ахьыԥшымра амш идныҳәалара

31.01.2020

Аԥсны Аҳәынҭқарра Ахада инапынҵақәа назыгӡо Валери Бганба Науру Ареспублика Ахада Лаионел Енгими Науру Ахьыԥшымра амш идиныҳәалеит.

Адныҳәалараҟны, ҷыдала, иҳәоуп:

«1968 шықәса ажьырныҳәамза 31 шәтәыла аҭоурых ҿыц аҟны акрызҵазкуа аамҭаны, ихьыԥшым идемократиатәу аҳәынҭқарра аԥҵара иамшны иҟалеит.

Науру ажәлар ахақәиҭразы ақәԥараҿы имариамыз амҩа ианысны, гәрагаралагьы адемократиатә ҿиара амҩала ԥхьаҟа ицоит.
Аҧсны жәлар Науру анапхгара аџьшьара арҭоит ҳҳәынҭқарра ахьыԥшымра азхаҵареи жәларбжьаратәи аренаҿы иарҭо адгылареи рзы. Ҳара агәра ҳгоит, хаҭала, Шәара шәыцхыраарала ҳҳәынҭқаррақәа наҟ-ааҟ русеицура арҕәҕәареи арҿиареи ҳарҿахәҳәаҩны ҳшыҟало.

Аҵак ду змоу абри амш аҽны, гәык-ԥсыкала ишәзеиӷьасшьоит, Шәаҳаракыра, иара убас Науру Ареспублика жәлар зегьы аҭынч ҧсҭазаара, аизҳазыӷьара, анасыҧ».

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org