Аҧсны Аҳәынҭқарра Ахада

 

Ахада Хьыбла Герзмааи XVII амузыкатә фестиваль «Хьыбла Герзмаа шәаалыҧхьоит…» алахәцәеи иҭабуп ҳәа реиҳәеит

20.10.2019
Ахада Хьыбла Герзмааи XVII амузыкатә фестиваль «Хьыбла Герзмаа шәаалыҧхьоит…» алахәцәеи иҭабуп ҳәа реиҳәеит
Аԥсны Аҳәынҭқарра Ахада Рауль Ҳаџьымба XVII амузыкатә фестиваль «Хьыбла Герзмаа шәаалыҧхьоит…» ахыркәшара ашьҭахь Аҧсни Урыстәылеи Жәлар рартист, «Ахьӡ-Аҧша» аорден I аҩаӡара занашьоу Хьыбла Герзмааи XVII амузыкатә фестиваль «Хьыбла Герзмаа шәаалыҧхьоит…» алахәцәеи иҭабуп ҳәа реиҳәеит.

«Зегь раасҭа ихадароу, ҳ-Фестиваль есааира аҽарҭбаауеит, амҵәыжәҩақәа еиҵнахуеит», – иҳәеит Рауль Ҳаџьымба.

Хьыбла Герзмаа Ахада Афестиваль иаиҭо адгыларазы иҭабуп ҳәа иалҳәеит.

«Даҽазныкгьы зегьы ирыдысныҳәалоит. Насыҧ дууп Ахада Афестиваль адгылара ахьаиҭо. Сара сзы гәахәароуп иахьа ара шәахьыҟаз», – лҳәеит Хьыбла Герзмаа.

XVII амузыкатә фестиваль «Хьыбла Герзмаа шәаалыҧхьоит…» мҩаҧысит Аҟәа, жьҭаарамза 20 рзы астадион «Динамо» аҟны.
Афестиваль иалахәын урыстәылатәи аоператә шәаҳәаҩы, Башкортосҭан Ареспублика Жәлар рартист Ильдар Абдразаков, Урыстәыла Жәлар рартист, адирижиор Александр Сладковски напхгара зиҭо Ҭаҭарсҭан Ареспублика Аҳәынҭқарратә симфониатә оркестр, Академиатә Хор ду «Ахортә шәаҳәара аҟазацәа» (асахьаркыратә напхгаҩы Лев Конторович). Афестиваль аҟны иара убас дықәгылеит аҧсуа балерина қәыҧш, Санкт-Петербург иҟоу А. Иа. Ваганова лыхьӡ зху Аурыс балет Академиа ааӡамҭа Кристина Чкотуа.

765F2561-815B-40EC-B7DD-BA837BFD8946.jpeg

E39AA323-C2F9-45B9-8A4F-EF4A43ABDC52.jpeg

60B01929-E67D-4307-A5C5-3A0E66A5BB96.jpeg
.

.





Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT