Аҧсны Аҳәынҭқарра Ахада

 

Ахада Аҩадатәи Кавказ аусқәа рзы Урыстәылатәи Афедерациа Аминистр Сергеи Чеботариов диҧылеит

09.10.2019
Ахада Аҩадатәи Кавказ аусқәа рзы Урыстәылатәи Афедерациа Аминистр Сергеи Чеботариов диҧылеит
Жьҭаарамза 9 рзы Аҧсны Аҳәынҭқарра Ахада Рауль Ҳаџьымба Аҩадатәи Кавказ аусқәа рзы Урыстәылатәи Афедерациа Аминистр Сергеи Чеботариов дидикылеит.

Ахада Сергеи Чеботариов аҧсшәа еиҳәеит.

«Бзиала шәаабеит ҳәа шәасҳәоит. Шәаргьы ҳаргьы имҩаҧаҳго аусура аҵак ду амоуп. Шәара хаҭала шәнапы злаку аҳасабтәқәа ажәлар зегьы рзы акрызҵазкуа алҵшәақәа роуеит. Ҳәарада, Аинвестпрограмма иадҳәалоу азҵаарақәа рыла зхаҭабзиара ҳараку аусура иацаҳҵароуп», – ҳәа азгәеиҭеит Ахада.

Сергеи Чеботариов Ахада иҭабуп ҳәа иеиҳәеит асоциалтә-економикатә ҿиара ацхраара иазку Аинвестпрограмма иадҳәалоу азҵаарақәа рынагӡара иаиҭо азҿлымҳаразы.

«Ҳара иаҳбоит иҟоу аныҳәатә ҭагылазаашьа, ауаа ргәышьҭыхра, уи иаҳәоит ари ҭоурыхтә хҭысны ишыҟало. Ҳара ҳаҭыр дула иҳадаҳкылоит Аҧсны Аҳәынҭқарра Ахада имаҵура анагӡарахь инеира иазку ацеремониа аҽалархәра», – иазгәеиҭеит иара убас Сергеи Чеботариов.

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT