Аҧсны Аҳәынҭқарра Ахада

 

Ахада Аҧсны аҧсылманцәа Иаку рдоуҳатә усбарҭа анапхгара дырҧылеит

11.08.2019
Ахада Аҧсны аҧсылманцәа Иаку рдоуҳатә усбарҭа анапхгара дырҧылеит

 Нанҳәамза 11 рзы Аҧсны Аҳәынҭқарра Ахада Рауль Ҳаџьымба Аҧсны аҧсылманцәа Иаку рдоуҳатә усбарҭа анапхгара дырҧылеит.

Аҳәынҭқарра Ахада Аҧсны аҧсылманцәа ирыдиныҳәалеит Кәырбан-баирам, иагьырзеиҕьеишьеит агәабзиара, аҭынчра, анасыҧ.

«Нцәахаҵарас иныҟәаҳгозаалак, ҳара ҳаидгыланы ҳҳәынҭқарра ҳаргылалароуп. Еиуеиҧшым адинхаҵарақәа рхаҭарнакцәа рыбжьара аилибакаара, аҳаҭыреиқәҵара аныҟамла, атәылаҿы изыҟалом аҭышәынтәалара, аҭынч ҧсҭазаара.

Абри аганахьала аусура иацҵатәуп ҳәа исыҧхьаӡоит. Ҽааныҧшӡала шәнеиааит!» - иҳәеит Ахада.

Аҧсны аҧсылманцәа Иаку рдоуҳатә усбарҭа анапхгаҩы Ҭемыр Ӡыба Ахада иҟаиҵаз адныҳәаларазы иҭабуп ҳәа иеиҳәеит.

«Иҭабуп ҳәа шәасҳәоит шәажәа ҧхақәа рзы. Аҧсны егьырҭ атәылақәа рзы иҿырҧшыганы иҟалар алшоит еиуеиҧшым адинхаҵарақәа рхаҭарнакцәа рыбжьара аҳаҭыреиқәҵара аганахьала, ҳаргьы ҭагылазаашьак аныҟоу есқьынгьы абри атәы раҳҳәоит зегьы. Иазгәаумҭар залшом, аҩбатәи амш Аҧсны официалла ныҳәамшны иахьрылаҳәоу. Ари иаҳәоит атәыла анапхгара иҟанаҵо адгылара атәы, ҳара ҳзы уи аҵак ду амоуп».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT