Аҧсны Аҳәынҭқарра Ахада

 

Кәырбан-баирам иазку адныҳәалара

11.08.2019

Аҧсны Аҳәынҭқарра Ахада Рауль Ҳаџьымба Аҧсны иқәынхо аҧсылманцәа Кәырбан-баирам аныҳәа рыдиныҳәалеит.

«Ҳаҭыр зқәу ҳџьынџьуаа!

Гәык-ҧсык ала ишәыдысныҳәалоит Кәырбан-баирам ныҳәа, аҳаџь ахыркәшара акәырбан амҩаҧгарала.

Ашәышықәсақәа раахыс ари аныҳәа ишьақәнарӷәӷәоит агәыҳалалра, агәыразра, аиашара, ажәлар реидкылара аус аҟны ицхыраагӡоуп.

Ҳара ҳтәылаҿы адинхаҵарақәа рыбжьара аҳаҭыреиқәҵара аарҧшра традициак аҳасабала имҩасуеит, уи аҭоурыхтә дацқәа амоуп. Гәахәароуп Аҧсны иҟоу аҧсылмантә еилазаара ауаажэларра рыҩныҵҟа аҭынчреи аҳәоуеиқәшәареи ашьақәыргылара иахьацхраауа, аҭаацәаратә ҵас бзиақәа реиқәырхара аус аҟны алагаламҭа ахьдуу.

Гәык-ҧсыкала ишәзеиӷьасшьоит агәабзиара, агәамч, аҭынчра, аизҳазыӷьара».

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT