Аҧсны Аҳәынҭқарра Ахада

 

Ашкол аушьҭымҭацәа рыдныҳәалара

28.06.2019
Ашкол аушьҭымҭацәа рыдныҳәалара

Аҧсны Аҳәынҭқарра Ахада Рауль Ҳаџьымба Аҧсны ашколқәа 2019 шықәсазтәи раушьҭымҭацәа дрыдныҳәалеит.

Адныҳәаларатә цҳамҭаҟны, ҷыдала, иҳәоуп:

«Акыр иаҧсоу ашкол аушьҭымҭацәа – ҳтәыла аҧеиҧш здаҳҳәало ҳҿар!
Гәык-ҧсыкала ишәыдысныҳәалоит шәыҧсҭазаараҿы шьардаӡа зҵазкуа ахҭыс – ашкол ахыркәшара, шәдыррақәа рылҵшәа шьақәзырҕәҕәо аттестат аиура!

Шәышьҭахьҟа иаанхеит аџьабааи, агәацҧыҳәареи, агәыхыҭхыҭреи маҷымкәа изцу аҵарашықәсқәа. Ашкол аҿы ишьақәгылоит ауаҩы идунеихәаҧшра, иазҳауеит уи ихдырра, игьама.

Убри аҟнытә, издыруеит уи ишәнаҭаз шырацәоу, ҳаҭыр шышәзақәу шәырҵаҩцәа, шәааӡаҩцәа шәара шәышҟа иаадырҧшуаз агәцаракра.

Уажәшьҭа шәанылоит иеиҳагьы аҭакҧхықәра, аҧшаарақәа зцу аҧсҭазааратә мҩа. Шәаҧхьаҟа еихыжәгараны шәыҟоуп ашьаҿа ҿыцқәа иалышәхыз азанааҭ ала шәҵареи шәдырреи реихаҳаразы. Аус злоу– шәара шәҟалароуп Ҳаҧсадгьыл шәашьагәыҭны, иреиҕьу ҳатрадициақәа шәырныҟәгаҩцәаны!

Ишәзеиҕьасшьоит аихьӡара ҿыцқәа, агәалаҟара ҟаимаҭ, аманшәалара, аразҟы бзиа, анасыҧ!
Илашалааит, мрашәахәала, шәҭышла иҩычазааит шәызныло амҩа! Мҩамш, акыр иаҧсоу ҳарҧарцәеи ҳҭыҧҳацәеи!»

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT