Аҧсны Аҳәынҭқарра Ахада

 

Ахада Қырҭтәыла ишьақәгылаз аҭагылазаашьа инамаданы Ашәарҭадара Ахеилак аилатәара мҩаҧигеит

24.06.2019
Ахада Қырҭтәыла ишьақәгылаз аҭагылазаашьа инамаданы Ашәарҭадара Ахеилак аилатәара мҩаҧигеит

Рашәарамза 24 рзы Аҧсны Аҳәынҭқарра Ахада Рауль Ҳаџьымба Қырҭтәыла ишьақәгылаз аҭагылазаашьа инамаданы Ашәарҭадара Ахеилак аилатәара мҩаҧигеит.

Аҳәынҭқарра Ахада иазгәеиҭеит аҵыхәтәантәи аамҭақәа рзы Қырҭтәыла амчрақәа Аҧсны аганахьала иҟанаҵаз иузудымкыло аҳәамҭақәа ртәы.

Ахада иазгәеиҭеит иара убас ахадеи егьырҭ аофициалтә хаҿқәеи «Аҧсны аоккупациазы» ирыладырҵәо атезис аҵаҵҕәыдара атәы, иаҵшьны иҳәеит Аҧсны Аҳәынҭқарра ихьыҧшым ҳәынҭқарраны ишыҟоу, иҭышәынтәалоу аиқәшаҳаҭра-зинтә шьаҭа змоу Урыстәылатәи Афедерациеи иареи ирыбжьоу аидгыларатә еизыҟазаашьақәа рырҿиара амҩа ишану, ҩ-ҳәынҭқаррак реизыҟазаашьақәа шышьақәгыло азинеиҟарара ашьаҭала азеиҧш ҭаххарақәа ҳасаб рзуны.

«Иахьа Қырҭтәыла имҩаҧысуа аҩныҵҟатәи аполитикатә еиҿагылара ауп, уи иалахәу ишьақәгылаз аҭагылазаашьазы Урыстәыла ахара рыдҵара рҽазыршәоит. Аус зуа Қырҭтәыла анапхгареи аоппозициеи Аҧсни Алада Уаҧстәылеи рганахьала рхы иадырхәо атерминқәа «аоккупациа зызу адгьылҵакыра» ааныжьны, рыҩныҵҟатәи рполитикатә зҵаарақәа рыӡбалар еиҕьуп, ихьыҧшым аҳәынҭқаррақәа уахь иаламгалакәа», - иҳәеит Ахада.

Адәныҟатәи аусқәа рминистр Даур Ақаҩба аилатәара иалахәыз ирылеиҳәеит имҩаҧысраны иҟоу Жәларбжьаратәи Женеватәи адискуссиақәа раан Аҧсны Аҳәынҭқарра ахаҭарнакцәа Қырҭтәыла апарламент атрибунаҟнытә Аҧсны жәлар рыхьӡала ақырҭуа депутат иҿыцҳәацәоз арепликақәа рызҵаара шышьҭыххо.

 

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT