Аҧсны Аҳәынҭқарра Ахада

 

Витали Габниа Аҧснынтәи Донецктәи Жәлартә Республикахь аделегациа ацара иазказ апресс-конференциа мҩаҧигеит

Витали Габниа Аҧснынтәи Донецктәи Жәлартә Республикахь аделегациа ацара иазказ апресс-конференциа мҩаҧигеит 18.05.2018

Лаҵарамза 18 рзы Аҧсны Аҳәынҭқарра Ахада Ихаҭыҧуаҩ Витали Габниа Аҧснынтәи Донецктәи Жәлартә Республикахь аделегациа ацара иазказ апресс-конференциа мҩаҧигеит.

Лаҵарамза 9 инаркны 12- рзынӡа Аҧсны Аҳәынҭқарра Ахада Ихаҭыҧуаҩ Витали Габниа напхгара ззиуаз аделегациа Донецктәи Жәлартә Республика аҧҵара ҧшьышықәса ахыҵра иазкыз аныҳәатә усмҩаҧгатәқәа ирылахәын. Аделегациа иалахәын Аҷыдалкаатәи ҭагылазаашьақәа рзы Аминистр Лев Кәыҵниа, Адәныҟатәи аусқәа рминистр ихаҭыҧуаҩ Олег Аршба, Аҧсны Жәлар Реизара – Апарламент адепутат Омар Џьныџьал.


Витали Габниа, имҩаҧысыз аныҟәара иазкны, иҳәеит, ДЖӘР макьанагьы аибашьратә ҭагылазаашьа шамоугьы, Донецк ақалақь аҟны азауадқәеи афабрикақәеи аанымгалаӡакәа аусура ишаҿу, ақалақь еиҿкаауп, ицқьоуп. Ақалақь абомбақәа алажьра ианалага, хара имгакәа уи знапы иану амаҵзурақәа ахҟьа-ҧҟьақәа рҽеины, ақалақь еиҿыркаауеит.

Ахада Ихаҭыҧуаҩ, иазгәеиҭеит ДЖӘР алшара дуқәа, ахатәы цхыраагӡақәа шамоу, ааглыхреи ахәаахәҭреи шҭышәныртәалоу.

Витали Габниа, иҳәеит Донецктәи Жәлартә Республикаҟны Аҧснии иареи рекономикатә еимадарақәа зҿлымҳара шарҭо, аабаҕәазатә еидарамҩангара азҵаарагьы убрахь иналаҵаны.


«Луганск налаҵаны 4 миллионҩык рҟынӡа ыҟоуп Аҧсны аҧсшьара зҭаху, иазхиоу. Ҳара ҳганахьала атранспорттәи атуристтәи логистика шьақәҳаргылар, атуристцәа рхыҧхьаӡара аганахьала Крым аартрагьы, Мысрагьы, Ҭырқәтәылагьы ҳҧырхаганы иҟалаӡом», - иҳәеит Ахада Иҳаҭыҧуаҩ.
Витали Габниа иҳәеит Донецктәи Жәлартә Республика анапхгара Аҧсны Аҳәынҭқарра Ахьыҧшымра жәларбжьаратәи азхаҵара 10-шықәса ахыҵреи 1992-1993 шш. Аҧсны Аџьынџьтәылатә еибашьра Аиааира 25-шықәсахыҵреи азгәаҭарахь ишааиҧхьаз.

Апресс-конференциа далахәын иара убас Адәныҟатәи аусқәа рминистр Олег Аршба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT