Аҧсны Аҳәынҭқарра Ахада

 

АԤСНЫ АҲӘЫНҬҚАРРА АХАДА ИПРЕСС-МАҴЗУРА АДЫРРАҬАРА

06.01.2018 Аԥсны  Аҳәынҭқарра Ахада Рауль Ҳаџьымба, Аԥсны Аҳәынҭқарра Жәлар Реизара – Апарламент иацы иаднакылаз «Ашьауӷа зқәу Лукава Г.Ц. ихы иақәиҭтәра афактқәа рыҭҵааразы Акомиссиа алкаазы» Ақәҵара ҭҵааны, Аконституциатә ӡбара аӡбаҩ имаҵурахьы адепутатцәа идыргало акандидатурақәа рыхәаԥшра дшазыхиоу шьақәирӷәӷәоит.
Иара иганахьала, Аҳәынҭқарра Ахада игәы иҭоуп хара имгакәа  Жәлар Реизара Аконституциатә ӡбара ахәбатәи аӡбаҩ далнахырц азы ажәалагала адигаларц, уи Аӡбара иахәҭоу аилазаашьа еиқәыршәаны, аусқәа рынагӡара иалагарц азы.
Атәыла Ахада дазыразуп ҷыдала ихьанҭоу ацәгьоурақәа ҟазҵаз ашьауӷа зқәу ауаа рхы рақәиҭтәразы азин армаҷра иадҳәалоу аиҭакрақәа ралагаларазы адепутатцәа иҟарҵаз ажәалагала.
Аоппозициатә мчрақәак ариабжьарак апарламенттә комиссиа аԥҵара ишазыҳәоз, анаҩс  уи аусура алҵшәақәа разыԥшра иазыхиоуп ҳәа ирҳәаз ҳасаб азуны, акомиссиа  алкаақәа аныҟанаҵаз ашьҭахь зыдкылара алымшо даҽа дҵаԥҟақәак рцәыргара иахьалагаз мзызс иҟаҵаны, иара убасгьы Аконституциатә ӡбара азинтә актқәа рхархәара фактла иамаз аҭагылазаашьақәа ргәаҭара акәымкәа, азин азҵаареи, иарбанзаалак азинтә акт аконституциа ишақәныҟәо азҵаареи изларыхәаԥшуа дазхәыцны, Аԥсны Ахада Рауль Ҳаџьымба идикылаӡом Аԥсны Аҳәынҭқарра Ахада Иусбарҭа Аиҳабы имаҵура иамхразы изыҟарҵаз абжьгара, Аконституциатә ӡбара Аҳәынҭқарра Ахада иҟаиҵаз Адҵа аконституциа иақәшәо иақәымшәо азҵаара иахәаԥшаанӡа.

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT