Аҧсны Аҳәынҭқарра Ахада

 

Дмитри Шамба VII Петербургтәи Жәларбжьаратәи Азиндырратә форум далахәын

17.05.2017

Дмитри Шамба VII Петербургтәи Жәларбжьаратәи Азиндырратә форум далахәын

Аҧсны Аҳәынҭқарра Ахада Иусбарҭа Анапхгаҩы актәи ихаҭыҧуаҩ Дмитри Шамба лаҵарамза 16 инаркны лаҵарамза 20-нӡа имҩаҧысуа VII Петербургтәи Жәларбжьаратәи Азиндырратә Форум далахәын.

Дмитри Шамба Афорум дахьалахәыз далацәажәо иазгәеиҭеит, Афорум аҳәаанырцәтәи атәылақәа рҳәынҭқарратә усбарҭақәа, жәларбжьаратәи аиуристтә еидгыларақәа, азини жәларбжьаратәи аизыҟазаашьақәа, адунеитә еилахәыра дуӡӡақәа рзиндырратә департаментқәа рнапхгаҩцәа рхаҭарнакцәа рзанааҭтә ҧышәа аимдаразы лшара бзианы ишыҟоу.

«Афорум – аспециалистцәа реизҳареи аҳәынҭқкарратә ҩаӡара змоу азанааҭтә еимадарақәа рышьақәыргыларази хра злоу усуп. Уи адагьы ари аҳәаанырцәтәи сколлегацәа Аҧсны Аҳәынҭқарра аӡбахә раҳәаразы алшара снаҭоит», - иҳәеит Аҧсны Аҳәынҭқарра Ахада Иусбарҭа Анапхгаҩы актәи ихаҭыҧуаҩ.

Уи иаҵшьны иҳәеит Аҧсны ишаҭаху ҳҳәынҭқарра жәларбжьаратәи адунеи аҟны аҩаӡара ҿыц ахь ахагалара зылшо, ззыҟаҵара ҳараку аескпертцәа азини жәларбжьаратәи аизыҟазаашьақәеи рыҟәшаҟны.

«Петербургтәи Жәларбжьаратәи Азиндырратә Форум хықәкы хаданы иамоуп – аглобалтә еиҭакрақәа ахьыҟоу аҭагылазаашьақәа раан азин арҿыцра аидеиақәа раларҵәара», - иациҵеит Дмитри Шамба.

Жәларбжьаратәи Азиндырратә Форум сынтәа иалахәуп адунеи аконтинентқәа зегьы рыхьтә 80 тәыла рыҟнытә 3500-ҩык инареиҳаны.

Петербургтәи Жәларбжьаратәи Азиндырратә Форум мҩаҧысуеит 2011 шықәса инадыркны, Афорум аиҿкааҩыс иамоуп Аиустициа аминистрра, Урыстәылатәи Афедерациа Ахада иҟаиҵо адгыларала.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT