Аҧсны Аҳәынҭқарра Ахада

 

Гәылрыҧшь араионтә Еизара ақәшаҳаҭхеит Аслан Бараҭелиа араион аусбарҭа ахадас иаҭара

24.05.2016

Гәылрыҧшь араионтә Еизара ақәшаҳаҭхеит Аслан Бараҭелиа араион аусбарҭа ахадас иаҭара

Аҧсны Ахада Иусбарҭа Анапхгаҩы Беслан Барцыци Аҧсны Ахада Иусбарҭа Анапхгаҩы актәи ихаҭыҧуаҩ Дмитри Шамбеи алахәын Гәылрыҧшь араионтә еизара аилатәара. Аилатәараҟны иахәаҧшын Аслан Бараҭелиа араион аусбарҭа ахадас иаҭара азҵаара. .

Аслан Бараҭелиа икандидатура ықәиргылаеит Аҧсны Ахада «Аҧсны Аҳәынҭқарраҟны административтә-дгьылҵакырақәа рыҟны анапхгаразы» Азакәан аредакциа ҿыц инақәыршәаны.

Аҭыҧантәи ахаланапхгаратә усбарҭақәа рреформа амҩаҧгараан ирыдкылаз Азакәан аредакциа ҿыц ала ақалақь, араион, араион аҟны ақалақь аусбарҭа ахадацәа Аҧсны Ахада иаиҭоит дасу иара административтә-дгьылҵакырақәа Реизара ақәыршаҳаҭны. Аизара ианаамҭоу, Аҧсны Ахада ақалақь, араион, араион аҟны ақалақь аусбарҭа ахада икандидатура анықәиргыла аҽны инаркны 30 мшы ирхымгакәа ақалақь, араион, араион аҟны ақалақь аусбарҭа ахада Аизара адепутатцәа рзеиҧш хыҧхьаӡара аҟнытә иаҭаразы аӡбамҭа шьҭнахуеит.

Аизара алахәылаҩцәа иаарту бжьыҭирала иеицҿакны Аслан Бараҭелиа Гәылрыҧшь араион аусбарҭа ахадас иаҭара икандидатура иадгылеит.

Ахада Иусбарҭа Анапхгаҩы Беслан Барцыц адепутатцәа иҭабуп ҳәа реиҳәеит Ахада иқәиргылаз акандидатура иахьадгылаз, ирзеиҕьаишьеит аҧхьаҟатәи русураҟны ақәҿиарақәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT