Аҧсны Аҳәынҭқарра Ахада

 

Адныҳәаларатә цҳамҭақәа

26.08.2018

Алада-Уаҧстәыла Ареспублика Жәларбжьаратәи азхаҵара жәашықәса ахыҵра инамаданы Анатоли Бибилов идныҳәалара

Нанҳәамза 26 рзы Аҧсны Аҳәынҭқарра Ахада Рауль Ҳаџьымба Алада-Уаҧстәыла Аҳәынҭқарра Ахада Анатоли Бибилов Алада-Уаҧстәыла Аҳәынҭқаара Жәларбжьаратәи азхаҵара жәашықәса ахыҵра идиныҳәалеит. Адныҳәаларатә цҳамҭаҟны, ҷыдала, иҳәоуп:
"Шәара хаҭала ишәыдысныҳәалоит, ирыдысныҳәалоит ҳашьцәа ауаҧс жәларгьы Алада-Уаҧстәыла Ареспублика Ахьыҧшымра азхаҵара жәашықәса ахыҵра.
Нанҳәамза 26 рзы Урыстәылатәи Афедерациа аҭоурыхтә ҵакы змаз аӡбамҭа аднакылеит - Алада-Уаҧстәылеи Аҧсни рхьыҧшымра азханаҵеит. Ари амш ииашаны ҳамзар аҿы зегь реиҳа ихадоу аныҳәақәа ируакны иҧхьаӡоуп. Ахьыҧшымра азхаҵара амш даҽазныкгьы ишьақәнарӷәӷәеит ҭынч ҳаҧсадгьыл аҿы анхареи аӷьацареи рзы иҳамоу азин.
Гәахәарыла иазгәауҭар ауеит, Алада-Уаҧстәыла аҿиареи ашьақәгылареи ишаҿу, Шәаргьы шәымч-шәылша зегьы шәтәыла иқәынхо дарбанзаалак иҧсҭазаара аиӷьтәра ишазышәкуа.
Аҧсни Алада-Уаҧстәылеи реизыҟазаашьа аҩаӡара акыр иҳаракуп, агәра згоит аҧхьаҟагьы ҳаиашьаратә жәларқәа реимадара иҵегьы ишыӷәӷәахо.
Абри аныҳәа амш аҽны ишәзеиӷьасшьарц сҭахуп, ҳаҭыр зқәу, Анатоли Илиа-иҧа, агәабзиара, агәамч, аҳәынҭқарратә маҵзура ҳаракы аҿы аихьӡарақәа, ауаҧс жәлар зегьы - аҭынчреи аизҳазыӷьареи».

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT