Аҧсны Аҳәынҭқарра Ахада

 

Адныҳәаларатә цҳамҭақәа

26.08.2018

Рашид Темрезов Аҧсны Ахада Рауль Ҳаџьымба Аҳәынҭқарра Жәларбжьаратәи азхаҵара 10 шықәса ахыҵра идиныҳәалеит

Нанҳәамза 26 рзы Ҟарачы-Черқьесктәи Ареспублика Ахада Рашид Темрезов Аҧсны Аҳәынҭқаара Ахада Рауль Ҳаџьымба Аҳәынҭқарра Ахьыҧшымра Жәларбжьаратәи азхаҵара жәашықәса ахыҵра идиныҳәалеит.

Адныҳәалартә аацҳамҭаҟны, ҷыдала , иҳәоуп:
"Милаҭрацәала еилоу Ҟарачы-Черқьеск иқәынхо ажәларгьы саргьы ҳахьӡала гәык-ҧсык ала аҧсуа жәлар нашәыдкыланы ишәыдысныҳәалоит Урыстәыла шәҳәынҭқарра ахьыҧшымра азханаҵеижьҭеи жәашықәса аҵра амш.
Ахақәиҭра бзиа избо аҧсуа жәлар хамеигӡарада иеибашьны, аекономикатә блокада рыхганы, насыҧ рыманы, рхы иақәиҭны, ҭынч инхо-инҵуа ҧсҭазаара ашаьқәыргылара рылшеит.
Иахьа Аҧсынтәыла асоцал- економикатә ҿиаразы иамоуп аҭагылазаашьақәа жәпакы. Агәыларатә ҳәынҭқаррақәеи Аҧсни аизыҟазаашьа бзиақәа рышьақәгылара иаҿуп иеиуеиҧшым ахырхарҭақәа рыла, атәыла аҩныҵҟа зеиӷьыҟам аиҭакрақәа азгәаҭоуп - атуристтә лшарақәа аизҳара иаҿуп, иӷәӷәахоит ахәаахәҭра-ааглыхратә еимадарақәа, аргыларатә усхкқәа рыҿиара мҩаҧысуеит. Агәылеимабзиареи аҭыреиқәҵареи аҵасқәа инарықәныҟәаны, атәылауаа зегьы еидызкылоа ари аныҳәа аҽны Аҧсны жәлар ирзеиӷьасшьоит аҭынчра, изызҳауа ахәыҷқәа насыҧ рыманы, шықәсырацәала аҭышәынтәалареи аизҳазыӷьареи ыҟазааит шәыдгьыл аҟны".

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT