Аҧсны Аҳәынҭқарра Ахада

 

Адныҳәаларатә цҳамҭақәа

02.09.2018

Вадим Красносельски Ареспублика Амш идныҳәалара

Цәыббрамза 2 рзы Аҧсны аҳәынҭқарра Ахада Рауль Хаџьымба адныҳәалара шәҟәы ишьҭит Приднестровиатәи Молдавиатәи Ареспублика Амш азгәаҭара инамаданы. Красносельскому.

Адныҳәалараҟны, ҷыдала, иҳәоуп:

«Ҳаҭыр зқәу Вадим Николаи-иҧа!

Гәык-ҧсыкала ишәыдысныҳәалоит аҳәынҭқарратә ныҳәа – Ареспублика Амш!

Милаҭрацәала иеилоу шәтәыла зхы иақәиҭу ргәазыҳәарала иаҧҵоу Приднестровиатәи Молдавиатәи Ареспублика демократиатә ҳәынҭқарроуп, ҟазшьалагьы, ҵакылагьы. Иахьа гәыҩбарада иуҳәар ҟалоит Приднестровиатәи Молдавиатәи Ареспублика ажәлар мҩасы иалырхыз иашаны ишалырхыз. Ари амҩа даҽакы иеиҧшымкәа ианыҧшуеит шәара шәхьыҧшымра арҕәҕәаразы, шәхы шәақәиҭны, ҭынч анхаразы ишәымоу агәрагареи агәаҕьреи.

Ииасыз ашықәсқәа рзы шәтәыла ауадаҩрақәа, амыҟәмабарақәа маҷымкәа иахнагеит, аха убас шакәугьы, ҧасатәи абиҧарақәа ирымҭаны ишәоуз иреиҕьу аҭынха шәара аихаҳара шәылшеит.

Ҧасатәи ашықәсқәа рзы ҳтәылақәа рыбжьара ишьақәгылаз аиҩызаратә еизыҟазаашьақәа аҧхьаҟагьы уасхырс ирзышьҭалоит аиҩызареи аидгылареи рыпринципқәа.

Приднестровиатәи Молдавиатәи Ареспублика ашьақәгылара амш азгәаҭара аламҭалазы даҽазныкгьы гәык-ҧсыкала ишәыдысныҳәалоит ари аныҳәа, ишәзеиҕьасшьоит аҭынчра, ахирра, Приднестровиа аиашьаратә жәлар зегьы - аизҳазыҕьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT