Адныҳәаларатә цҳамҭақәа

29.09.2018

Владимир Путин Рауль Ҳаџьымба Аиааиреи Ахьыԥшымреи рымш идиныҳәалеит

Аԥсны Аҳәынҭқарра Ахада Аиааиреи Ахьыԥшымреи рымш идиныҳәалеит Урыстәылатәи Афедерациа Ахада Владимир Путин.

Адныҳәаларатә аацҳамҭҿы, ҷыдала, иҳәоуп:

«Ҳаҭыр зқәу Рауль Џьумка-иԥа!
Гәык-ԥсык ала ишәыдысныҳәалоит Аԥсны Аҳәынҭқарра амилаҭтә ныҳәа - Аиааиреи Ахьыԥшымреи рымш.
Ахьыԥшымра аназхаҵаха аахыс ибжьысыз ашықәсқәа рыҩныҵҟала, Аԥсны асоциалтә-економикатә ҿиараҟны, аҳәынҭқарратә усбарҭақәа рышьақәыргылараҟны, амилаҭтә шәарҭадара алыршараҿы акыр аихьӡарақәа амоуп.
Даҽазныкгьы иазгәасҭарц сҭахуп, Урыстәыла аԥхьаҟагьы Аԥсны аиҳабыреи ажәлари адгылара рынаҭалоит рҿаԥхьа иқәгылоу аҳасабтәқәа рынагӡараҿы.

Ҳаҭыр зқәу Рауль Џьумка-иԥа, ишәзеиӷьасшьоит агәабзиара, аихьӡарақәа, шәыуаажәлар зегьы - аҭынчреи аизҳазыӷьареи».

Возврат к списку