Ацҳамҭақәа

29.09.2018

Вадим Красносельски Рауль Ҳаџьымба Аиааиреи Ахьыԥшымреи рымш идиныҳәалеит

Аԥсны Аҳәынҭқарра Ахада Рауль Ҳаџьымба Аиааиреи Ахьыԥшымреи рымш идиныҳәалеит Приднестровиа Молдавиатәи Ареспублика Ахада Вадим Красносельски.

Адныҳәаларатә телеграммаҿы, ҷыдала, иҳәоуп:

«Ҳаҭыр зқәу, Рауль Џьумка-иԥа!

Приднестровиатәи Молдавиатәи Ареспублика ажәлар рыхьӡала, хаҭала сара сыхьӡала, ҳаҭыр дула, Аԥсны Аҳәынҭқарра Аиааиреи Ахьыԥшымреи рымш шәыдысныҳәалоит.

Ахьыԥшымра раԥхьа иргыланы иаанагеит аҭынчра, аҭышәынтәалара, аҳәынҭқарраҿы аҳра зуа амилаҭтәи ауаажәларратәи ҳәоуеиқәшәара.

Ари аамҭа иалагӡаны Аԥсны Аҳәынҭқарра иуадаҩыз, зыда амуаз, ԥхьаҟа ихаз арҿиара амҩа ианысит, аҳәынҭқарра аполитикатә, аекономикатә, асоциалтә, акультуратә ҳәаақәа рымҽхак ырҭбаауа.

Иахьатәи Аԥсны аҳәынҭқарра аргылара амҩа иануп, ауаажәларра рҭахрақәа, ридеиақәа ирыдгылоит.
Аԥсуа жәлар ракзааара, реидгылара, аизҳазыӷьара иазкыз ргәамч ауп еснагь ирыԥгылаз ауадаҩрақәа ирылганы, рҿаԥхьа иқәгылаз ахықәкы анагӡараҿы ирыцхраауаз. 

Ҳарҭ ҳҳәынҭқаррақәа акыр шықәса раахыс зеиԥш хықәкык еиднакылоит, уи амилаҭтә интересқәа рыхьчареи, адемократиеи аҭынчреи рыпринципқәеи рықәныҟәара ауп.

Аиԥылара схы иархәаны агәра шызго сҳәарц сҭахуп традициала иааауа ҳаиҩызаратә еизыҟазаашьақәа , Аԥсни Приднестровиеи рыбжьара ганрацәалатәи ҳусеицура аԥхьаҟагьы аҽшарӷәӷәо, аҿиара шаиуазы.

Ҳаҭыр зқәу, Рауль Џьумка-иԥа, хаҭала Шәара, аԥсуа жәлар зегьы нашәыдкыланы ишәзеиӷьасшьоит агәабзиара, агәамч, анасыԥ, аизҳазыӷьара, ахирра, аҭынчра!»

Возврат к списку