Аҧсны Аҳәынҭқарра Ахада

 

Ацҳамҭақәа

10.02.2022

Ахада Урыстәылатәи Афедерациа Аиҳабыра Ахантәаҩы Ихаҭыҧуаҩ Т. А. Голикова Лира амш лыдиныҳәалеит

Аԥсны Аҳәынҭқарра Ахада Аслан Бжьаниа Урыстәылатәи  Афедерациа  Аиҳабыра  Ахантәаҩы  Ихаҭыҧуаҩ Т. А. Голикова Лира амш лыдиныҳәалеит.

Адныҳәаларатә цҳамҭаҟны иҳәоуп:

«Ҳаҭыр зқәу Татиана Алексеи-иҧҳа,

гәык-ҧсык ала ишәыдысныҳәалоит Шәира амш.

Аҳәынҭқарратә усбарҭақәа рыҟны  еиуеиҧшым амаҵурақәа рынагӡараан  Шәара ишәымоу адырра ҵаулақәа, лыҵшәазмоу аиҿцәажәарақәа рымҩагареи системала аҳәынҭқарратә уснагӡатәқәа рыӡбареи ирыбзоураны шәколлегацәа рыҩныҵҟа аҳаҭыр ду шәаҧсаны шәҟалеит.

Урыстәылатәи Аиҳабыра  Ахантәаҩы  Ихаҭыҧуаҩ имаҵураҟны  Шәара хылаҧшра ашәҭоит акрызҵазкуа аусхкқәа, ари аус аҟны иаҭахуп аусура ду амҩаҧгареи ахамеигӡареи.

Аҭагылазаашьа бзиа схы иархәаны иҭабуп ҳәа шәасҳәарц сҭахуп аҧсны-урыстәылатәи аизыҟазаашьақәа ганрацәала рыҿиараҟны шәлагаламҭазы.

Татиана Алексеи-иҧҳа, ари аныҳәамш аҽны ишәзеиӷьасшьоит агәабзиара, агәеизҳара, аихьӡарақәа аҭакҧхықәра зцу шәусураҟны».

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org