Аҧсны Аҳәынҭқарра Ахада

 

Ацҳамҭақәа

21.02.2020

Аԥсны Аҳәынҭқарра Ахада инапынҵақәа назыгӡо адныҳәалара ҟаиҵеит Гәули Кьычба Аҧсны Аҳәынҭқарра Ауаажәларратә палата Амаӡаныҟәгаҩ имаҵурахьы лалхра ианамаданы

Аԥсны Аҳәынҭқарра Ахада инапынҵақәа назыгӡо Валери Бганба адныҳәалара ҟаиҵеит Гәули Кьычба Аҧсны Аҳәынҭқарра Ауаажәларратә палата Амаӡаныҟәгаҩ имаҵурахьы лалхра ианамаданы.

***
Ҳаҭыр зқәу Гәули Михаил-иҧҳа!

Гәык-ҧсыкала ишәыдысныҳәалоит Аҧсны Аҳәынҭқарра ауаажәларратә палата Амаӡаныҟәгаҩ имаҵурахьы шәалхра.
Абжьыҭира алҵшәақәа иаҳдырбеит шәколлегацәа – Ауаажәларратә палата алахәцәа ишәырҭо агәрагара ду.
  
Акыр шықәсала Шәара аиҿкаара «Аҧсны анацәа аҭынчреи асоциалтә иашареи» напхгара аҭо, ҳуаажәларразы аҵак ду змоу апроблемақәа ирызхьарҧшуа, иаашәырҧшуеит апрофессионализм, гәыкала шәнапы злаку аус азыҟазаара.

Хаҭала Шәара шәылшамҭақәа ирыбзоураны аибашьра ашьҭахьтәи ашықәсқәа рзы ауаажәларратә еиҿкаара аусура ду мҩаҧнагеит Аџьынџьтәылатә еибашьраҟны иҭахаз рҭаацәарақәа адгылара рыҭаразы, ҳтәылаҟны аҧҳәыс лсоциалтә роль ашьҭыхразы. Сара агәра згоит ари амаҵура ҿыц аҟынгьы гәацҧыҳәарала аусура напы шашәыркуа.

Ауаажәларратә палата аҧҵоижьҭеи иалшеит ҳтәыла ауаажәларратә еиҿкаарақәа рҧышәа ду аизакра. Аҧсны анапхгара ахә ҳаракны иршьоит акрызҵазкуа адемократиатә еиҿкаара акрызҵазкуа ароль.

Ҳаҭыр зқәу Гәули Михаил-иҧҳа, ишәзеиҕьасшьоит агәабзиара, агәамч, аихьӡарақәа шәнапы злаку аус аҿы.

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org