Аҧсны Аҳәынҭқарра Ахада

 

Адныҳәаларатә цҳамҭақәа

19.09.2019

Башар Асад Рауль Ҳаџьымба Аҧсны Аҳәынҭқарра Ахада имаҵурахьы иеиҭалхра идиныҳәалеит

Шьамтәылатәи Арабтә Республика Ахада Башар Асад Аҧсны Аҳәынҭқарра Ахада Рауль Ҳаџьымба Ахада имаҵурахьы иеиҭалхра инамаданы адныҳәаларатә аацҳамҭа изааишьҭит.

Башар Асад иаацҳамҭаҟны, ҷыдала, иҳәоуп:

«Ҳаҭыр зқәу Рауль Џьумка-иҧа,

Гәахәара дууп сара сзы Аҧсны жәлар ишьақәдырҕәҕәаз агәрагареи еиҭа Ахадас шәалхреи шәыдныҳәалара. Ишәзеиҕьасшьоит аҧхьаҟагьы ақәҿиарақәеи аихьӡара ҿыцқәеи Аҧсны жәлар реизҳазыҕьара иазку шәусураҟны.

Ҳара ҳазыҧшуп ҳтәылақәа рыбжьара ҳаиашьаратә жәларқәа рыҿиара хықәкыс измоу аизыҟазаашьақәа рырҕәҕәара. Арҭ аизыҟазаашьақәа уасхырс ирзышьҭалеит иаҳхысыз ашықәс азы Шәара Шьамтәыла шәыҟазаара.

Ҳаҭыр зқәу Ахада, ишәзеиҕьасшьоит агәабзиара, агәамч, анасыҧ, агәра жәгарц сҭахуп ҳаҭыр ду шшәықәысҵо».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT