Аҧсны Аҳәынҭқарра Ахада

 

Адныҳәаларатә цҳамҭақәа

25.09.2019

Урыстәылатәи Афедерациа Афедералтә еизара Афедерациа Ахеилак Ахантәаҩы Валентина Матвиенко Рауль Ҳаџьымба Ахада имаҵурахьы еиҭалхра идылныҳәалеит

Урыстәылатәи Афедерациа Афедералтә еизара Афедерациа Ахеилак Ахантәаҩы Валентина Матвиенко Рауль Ҳаџьымба Аҧсны Аҳәынҭқарра Ахада имаҵурахьы еиҭалхра идылныҳәалеит.
Адныҳәалараҟны, ҷыдала, иҳәоуп:
«Ҳаҭыр зқәу Рауль Џьумка-иҧа!
Гәык-ҧсыкала ишәыдысныҳәалоит Аҧсны Аҳәынҭқарра Ахада иалхрақәа рыҟны ижәгаз аиааира.
Урыстәылатәи Афедерациа Афедералтә еизара Афедерациа Ахеилак аҟны гәахәарыла иазгәарҭоит традициала ишьақәгылаз урыстәыла-аҧснытәи аиҩызаратә еимадарақәа рыҩаӡара аҳаракра, агәрагьы згоит Шәара шәалхрала аидгылареи астратегиатә усеицуреи рыпринципқәа шьаҭас измоу ҳтәылақәа ирыбжьоу аизыҟазаашьақәа аҧхьаҟагьы аҿиара шроуа.
Ишәзеиҕьасшьоит Аҧсны жәлари, Кавкази рыҩныҵҟа аҭынчреи аизҳазыҕьареи рыхьӡала шәнапы злаку аҳәынҭқарратә маҵзура ду аҟны аихьӡара ҿыцқәа».

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT