Аҧсны Аҳәынҭқарра Ахада

 

Адныҳәаларатә цҳамҭақәа

05.10.2019

Арҵаҩы имш азы адныҳәалара

Жьҭаарамза 5 рзы Аҧсны Аҳәынҭқарра Ахада Рауль Ҳаџьымба Аҧсны арҵаҩцәа рзанааҭтә ныҳәа рыдиныҳәалеит.

 Адныҳәалараҟны, ҷыдала, иҳәоуп:

 «Акыр иаҧсоу арҵаҩцәа!

Гәык-ҧсыкала ишәыдысныҳәалоит шәзанааҭтә ныҳәа.  

Арҵаҩы инапы иану аус иагьыуадаҩуп, ҳаҭыр дугьы ақәуп. Арҵаҩцәа ҟәыҕақәа, ааӡаҩцәа ахәыҷқәа арҵаратә программа иалоу адыррақәа рызнагара адагьы, урҭ ргәынкылашьагьы иахылаҧшуеит. Дара роуп еиҳаракгьы аҿар иреиҕьу аҟазшьақәа рылааӡара, урҭ рыҟны аҧсҭазааратәи ауаажәларратәи позициақәа рышьақәыргылара, дасу изанааҭ алхра иацхраауа.      

Шәара аҵара дшәырҵоит, аҧсҭазаара  ду иазыҟашәҵоит ҳтәыла аизҳазыҕьаразы аҭакҧхықәра зхы иадызҵараны иҟоу абиҧарақәа.

 Аҳәынҭқарра аҧхьаҟагьы иалшо зегьы ҟанаҵоит аҵара асистемеи арҵаҩратә усура знапы алаку  рсоциалтә ҭагылазаашьеи реиӷьтәразы.

Иҭабуп ҳәа шәасҳәоит имариам, убри аан аҳәынҭқарреи ауаажәларреи рыҿиара аус азы аҵак ду змоу шәџьабаазы! Шәҵаҩцәа реихьӡарақәа рыла шәгәы шьҭырхлааит!  Ишәзеиӷьасшьоит агәабзиара, агәамч, аихьӡарақәа!».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT